मौलिक सिर्जनाहरूबाट स्रोता–दर्शकको मन जितिरहेका लोकप्रिय गायक एवं सर्जक प्रकाश दुतराजको नयाँ गीत ‘राम साइँली’ सार्वजनिक भएको छ ।
नेपाली सांगितिक क्षेत्रमा एउटै स्वादका गीतबाट आजित भएका दर्शकश्रोतलाई नयाँ र फरक शैलीले गीत पस्किदै आएका गायक दुतराजले नेपाली नयाँ बर्ष २०८२ सालको अवसरमा बुकी, ग्रामिण परिवेश, धार्मिक तथा प्रेमसँग सम्बन्धित कथाबस्तुमा केन्द्रित भएर नयाँ गीत दर्शक तथा स्रोतामाझ ल्याएका हुन् ।
गीतमा दुतराज र गायिका मेलिना राईको स्वर रहेको छ भने शब्द तथा संगीत पनि गायक दुतराज स्वयंकै हो भने संगीत संयोजन बिबि अनुरागीको रहेको छ । प्रकाश र मेलिनाको यो ’जुन माया’, ’रिमै’ र ’रेशम’ पछिको सहकार्य हो । गायक दुतराजले नयाँ बर्ष, विजयदशमी लगायत चाडपर्वलाई केन्द्रित गरी आफ्नो प्रस्तुती दिने गरेका छन् ।
म्याग्दीको मंगला गाउँपालिका–५,अर्मनमा जन्मिएका साधारण र हसिलो स्वभावका गायक दुतराजका हरेक सांगितिक कोशेली बालबालिका देखि बृद्धबृद्धासम्मको जिब्रोमा उनको गीत गुन्जिन्छ।
‘जाम भो माईली एल्बमको ‘लाहुर जाने रेलैमा’, आरने, बैनी झ्यालैमा, घर कता हो बैनीको, ‘रिमै’ र रेशम गीत करोड क्लवका लोकप्रिय गीत हुन् । समाजमा दविएका र दवाइएकाहरुको आवाजले समेत प्राथमिकताका बहसको अवसर पाउँछ।
