नेपाल पुलिस क्लबकी कप्तान कमला पुनले महिला भलिबलमा एकपछि अर्को ऐतिहासिक पदक दिलाउनुभएको छ केएनपी नेरोल्याक शेर बहादुर खड्का स्मृति राष्ट्रिय महिला भलिबलको पहिलो पटक उपाधि जितेको छ । शनिबार भएको आठौं संस्करणको फाइनलमा पुलिसले ६ पटकको विजेता एपीएफलाई सोझो सेटमा हरायो ।
राखेप कभर्डहलमा शनिबार भएकाो फाईनलमा पुलिसले एपिएफलाई २५–१५, २५–२३, २६–१६ ले पराजित गर्दै पहिलो पटक च्याम्पियन बनेको हो । एपीएफलाई सोझो सेटमा हराउनु नेपाल प्रहरीका लागि एउटा मिठो सफलता हो । कप्तान कमलाले प्रतियोगितामा बेष्ट सेटरको उपाधी समेत जित्नुभयो ।
अनुभवी टोलीसँगै खेलमा तालमेल, आत्मविश्वास र निरन्तर अभ्यासका कारण नतिजा आफ्नो पोल्टामा पार्ने पुनले विभागीय टोलीमा कप्तानीको जिम्मेबारी सम्हाल्दै धेरै घरेलु प्रतियोगितामा उपाधि जिताउन सफल हुनुभएको छ ।गतबर्षसातौं राष्ट्रिय बिच भलिबल प्रतियोगितामा कमला पुन र मनिषाको जोडीले आफ्नै क्लबका पुनम चन्द र कामना विष्टको जोडीलाई बिच भलिबलमा हराउँदै च्याम्पियन बन्नुभयो ।
०८१ साल साउनमा कमलाको कप्तानीमा मनिषासँगैको जोडीले भुटानमा भएको काभा बिच भलिबलमा स्वर्ण पदक जितेको थियो भने असोज महिनामा माल्दिभ्समा भएको सेन्ट्रल एसियन भलिबल एसोसिएसन (काभा) वुमन्स क्लब च्याम्पियनसिपको उपाधि जितेको थियो । त्यस्तै माल्दिभ्समा भएको सेन्ट्रल एसियन भलिबल एसोसिएसन (काभा) वुमन्स क्लबमा भएको ६ खेलमै अपराजित हुदै पुलिसले च्याम्पियनसिपको उपाधि जितेको थियो ।
बिच भलिबलमा नेपाली जोडीले तीनपटक अन्तराष्ट्रियस्तरको प्रतियोगिता जितेको छ ।मैदानभित्र फरक–फरक भुमिकामा देखिने पुनले खेलमा चमत्कारी जित निकाल्न सक्ने क्षमता छ । राष्ट्रिय तथा अन्तराष्ट्रि बिच भलिबलमा कमला पुनको कप्तानीमा पछिल्ला बर्षहरुमा रित्तो हात फर्किन परेको छैन ।
म्याग्दीक्को मालिका गाउँपालिका–३ रुम औलमा जन्मिनुभएकी कमलाले बि.स २०६८ सालमा नेपाल प्रहरीको राष्ट्रिय टोलीमा करार खेलाडीको रुपमा प्रवेश गरी १२ औं सार्क राष्ट्रस्तरीय प्रतियोगितापछि लगातार नेपाली टिमबाट खेलिरहनुभएको छ ।पिता स्व. चन्द्रहादुर पुन र आमा लालकुमारी पुनको दोश्रो सन्तानको रुपमा कमला पुन २०५१ कार्तिक २० गते जन्मिनुभएकी पुनले गाउँबाट भलिबल खेल्दै जिल्ला, क्षेत्र हुदै राष्ट्रिय टिममा पुग्नुभएको थियो ।
