म्याग्दी– स्वास्थ्यकर्मीहरुका लागि दुईदिने गर्भवती सेवा तथा सुत्केरी सेवा निरन्तरता सम्बन्धी विषयमा शुक्रवार अभिमुखीकरण कार्यक्रम सम्पन्न भएको छ । प्रदेश जनस्वास्थ्य कार्यालय म्याग्दीको आयोजनामा जिल्लाको विभिन्न स्वास्थ्य संस्थाहरुमा कार्यरत स्वास्थ्यकर्मीहरुलाई लक्षित गरेर अभिमुखीकरण गरिएको हो ।
स्वास्थ्यकर्मीहरुको क्षमता अभिृवद्धि गराउन, मातृ तथा नवजात शिशुको मृत्युदर घटाउन र यो कार्यक्रमबाट एच्त्ए र ःएम्क्च् प्रणाली सुदृढ बनाउन तथा स्वास्थ्य संस्थाहरुमा गुणस्तरीय स्वास्थ्य सेवा प्रभावकारी बनाउन सक्षम बनाउने उद्देश्यले अभिमुखीकरण कार्यक्रम सञ्चालन गरिएको थियो । कार्यक्रमको धौलागिरि अस्पताल बागलुङका स्त्रीरोग विशेषज्ञ डाक्टर विजय ओझा, प्रदेश अस्पताल बेनी म्याग्दीका अस्पताल नर्सिङ निरीक्षक झरना श्रेष्ठ र प्रदेश जनस्वास्थ्य कार्यालयका पब्लिक हेल्थ नर्स सारती कुँबरले सहजीकरण गर्नुभएको थियो ।
अभिमुखीकरण कार्यक्रममा गभर्वती सेवा तथा सुत्केरी सेवाको निरन्तरता, ब्लतष्(कजयअप न्बचmभलतक, पिपिआर, प्रसुतिपश्चात्को रक्तस्राव, रक्त विशाक्तता, रेकर्डिङ तथा रिपोर्टिङमा आइपर्ने चुनौती, समस्या र समाधानका उपायहरु, सम्मानजनक प्रसुति सेवालगायत विषयहरुमा सहजीकरण गर्नुका साथै अन्तत्र्रिmया र छलफल गरिएको थियो । तालिममा म्याग्दी जिल्लाका सबै स्थानीय तहभित्र सञ्चालित स्वास्थ्य संस्थाहरुबाट ३२ जना नर्सिङ कर्मचारीहरुले सहभागिता जनाएका थिए ।
कार्यक्रमको समापन गर्दै प्रदेश जनस्वास्थ्य कार्यालय म्याग्दीका प्रमुख भूवन ठकुराठीले आमा र बच्चा दुवैलाई स्वस्थ राख्न सकेमा खोप कार्यक्रम समेत प्रभावकारी बन्ने बताउनुभयो । उहाँले बर्थिङ सेन्टरका लागि आवश्यक पर्ने उपकरण, औजार तथा तालिम र गोष्ठी चाहिएमा कार्यालयसमक्ष माग गर्न तालिमका सहभागीहरुलाई सुझाव दिनुभयो । तालिमका सहभागी पुलाचौर स्वास्थ्यचौकीका सिनियर अनमी अमृता सुनारले कार्यक्रममा आफ्नो अनुभव सुनाउनुभएको थियो ।
यसअघि बिहीबार मातृ तथा नवजात शिशु सेवा, गभर्वती दर्ता तथा अनुगमन (एच्त्ए) र मातृ तथा पेरिनेटल मृत्यु, मृत्यु निगरानी एवं प्रतिकार्य (ःएम्क्च्) कार्यक्रमको समीक्षा तथा अभिमुखीकरण कार्यक्रम सम्पन्न भएको थियो । यस कार्यक्रममा म्याग्दी जिल्लाको स्थानीय तहभित्र रहेका स्वास्थ्य संस्थाहरुमा कार्यरत ३५ जना नर्सिङ कर्मचारीहरुको सहभागिता रहेको थियो ।
अभिमुखीकरण कार्यक्रमको मेडिक मोबाइलका प्रोजेक्ट अफिसर नारायण रिजाल, प्रदेश अस्पताल बेनी म्याग्दीका नर्सिङ अधिकृत खेमकुमारी पन्त, वरिष्ठ अस्पताल नर्सिङ निरीक्षक मनदेवी गौतम र प्रदेश जनस्वास्थ्य कार्यालयका पब्लिक हेल्थ नर्स सारती कुँबरले सहजीकरण गर्नुभएको थियो । कार्यक्रममा मालिका गाउँपालिकाका स्वास्थ्य शाखा प्रमुख सन्तुकुमारी कार्कीले अनुभव सुनाउनुभएको थियो ।
