नवनियुक्त ऊर्जा, जलस्रोत तथा सिँचाइ राज्यमन्त्री खमबहादुर गर्बुजाले आज पद तथा गोपनीयताको शपथ ग्रहण लिनुहुने भएको छ ।आज बिहान ११ः३० बजे प्रधानमन्त्री केपी शर्मा ओलीले पद तथा गोपनीयताको शपथ ग्रहण गराउने कार्यक्रम रहेको सचिवालयले जनाएको छ ।
गत वैशाख १७ गते प्रधानमन्त्री ओलीको सिफारिसमा प्रतिनिधिसभामा म्याग्दीबाट निर्वाचित गर्बुजालाई प्रधानमन्त्री केपी ओलीको सिफारिसमा राष्ट्रपतिबाट उक्त मन्त्रालयमा राज्यमन्त्रीको कार्यभार सम्हाल्ने गरी तोकिएको हो । नेपाली कांग्रेस म्याग्दीका सभापति समेत हुनुहुन्छ ।
गत वैशाख १० मा प्रधानमन्त्री केपी शर्मा ओलीले ऊर्जा राज्य मन्त्री कान्छाराम तामाङलाई राज्यमन्त्रीबाट बर्खास्त गरेका थिए। उनी बर्खास्तीमा परेपछि रिक्त रहेको पदमा नेपाली कांग्रेसका सिफारिसमा गर्बुजा नियुक्त भएका हुन्।
