म्याग्दी समाज न्युर्योक यूएसए इंकको तेस्रो अधिवेशनबाट २०२५÷२०२७ कार्यकालका लागि मालिका गाउँपालिका- ५ देविस्थानका तिर्थ घर्ती मगरको अध्यक्षतामा नयाँ कार्यसमिति चयन भएको छ ।
समितिको बरिष्ठ उपाध्यक्ष सोम बुढाथोकी, उपाध्यक्ष चयन्द्रबहादुर थापा ‘प्रकाश’, महिला उपाध्यक्ष प्रिति माया पुन, महासचिव चक बहादुर पाईजा, सचिव रोशन गौचन थकाली, सचिव दिपक गुरुङ,कोषाध्यक्ष रामचन्द्र सापकोटा,सहकोषाध्यक्ष सुजल छन्त्याल रहनुभएको छ । अधिवेशनबाट कार्यसमिति सदस्यमा भिमराज पटेल,आनन्द रोका मगर,चिन कुमार जुग्जाली, मिलन पुन, भरत डगामी मगर, ज्ञान पुर्जा, तारामिलन छन्त्याल र शुशिला पुन रहनुभएको महासचिव चकबहादुर पाईजाले जानकारी दिनुभयो ।
अधिवेशनमा संस्थापक अध्यक्ष एवम् संरक्षक भबिन्द्र शेरपुञ्जा,बरिष्ठ सल्लाहकार मनप्रसाद रोका, मगर संघ अमेरिकाका अध्यक्ष यामबहादुर पुन मगर, पुर्व एसपी दानबहादुर मल्लले मन्तब्य दिनुभएको थियो । अधिवेशनमा संस्थाको संगठनिक तथा आर्थिक प्रतिवेदन थापा र आर्थिक निर्वतमान कोषाध्यक्ष तिर्थबहादुर घर्ती मगरले प्रस्तुत गर्नुभएको प्रतिवेदन सर्वसम्मतिले पारित गरिएको थियो ।
अधिवेशनमा अध्यक्षता निर्वतमान अध्यक्ष रमेश तुलाचन, स्वागत निर्वतमान उपाध्यक्ष सोम बुढाथोकी, सञ्चालन चयन्द्रबहादुर थापा क्षेत्री प्रकाशले गर्नुभएको थियो । म्याग्दीबाट अमेरिकाको न्यूर्योकमा बसोबास गर्ने म्याग्देलीको साझा संस्था समाजले शिक्षा, स्वास्थ्य, महाबीर पुनको आविस्कार केन्द्र, बाढीपहिरो प्रभावित तथा अन्य सामाजिक कार्यमा सहयोग गर्ने गरेको छ।
