म्याग्दीको बेनी नगरपालिका वडा नं ८ गणेशटोल निवासी ३३ वर्षीय सतिश श्रेष्ठलाई परिवारले फेला पारेका छन् । हराएको २३ दिनमा उनलाई परिवारले फेला पारेको दाजु शैलेश श्रेष्ठले सामाजिक सञ्जालमा लेखेका छन् ।
गत चैत्र ३१ गते बेनीबाट पोखराका लागि हिडेका सतिश बैशाख १ गते पोखरा महानगरपालिका–६, कास्कीको होटल स्नो पिक, टाटु खोपे भेटिएपनि पोखराबाट सम्पर्कविहिन भएका थिए ।
उनलाई कहाँबाट फेला पारियो भन्ने बारे परिवारले खुलाएका छैनन् । बेनीको न्यु वेष्ट पोइन्ट आवासीय माविका शिक्षक समेत रहनुभएका सतिशले टाटु खोपेको सिसीटिभी फुटेज फेला परेको थियो । उनी भारतमा समेत पुगेको अनुमानपछि परिवारका सदस्यहरु भारतका विभिन्न सहरमा खोजीकार्यमा जुटेका थिए ।
Sailesh Shrestha is with Tulsi Shrestha and
भाई शतिश श्रेष्ठ (विज्ञान)लाई सकुशल भेटाएका छौं । खोजीकार्यमा सहयोग गर्नुहुने सम्पूर्णप्रति हामी ऋणी छौँ । भाई शतिश र हाम्रो परिवारलाई यो कठिन समयलाई व्यवस्थापन गर्न समय दिनुहुन सादर अनुरोध गर्दछौं । कृपया मेसेन्जर र फोनमा अत्यन्त जरुरी सम्पर्क मात्र गरिदिनुहुन पनि अनुरोध गर्दछौं । धन्यवाद !!
