पोखरा १७ मा घरायसी विवादपछि श्रीमानले श्रीमतीको कायरतापूर्वक हत्या र आफूले आत्महत्या गरेका छन् । ५७ वर्षीय ऋषीराम बरालले घरायसी विवादका कारण श्रीमतीको हत्यापछि आफूले पनि आत्महत्या गरेका छन् ।
३७ वर्षीय श्रीमती देवीमाया पराजुलीको हत्या गरेको प्रहरीको अनुमान रहेको जिल्ला प्रहरी कार्यालय कास्कीका सूचना अधिकारी तथा प्रवक्ता डीएसपी हरिबहादुर बस्नेतले जानकारी दिए । श्रीमतीलाई धारिलो हतियार प्रयोग गरेर हत्या गरेको प्रारम्भिक अनुमान गरिएको छ । देवीमायाको घाँटीमा र अनुहारमा चोट लागेको छ । ऋषिको नजिकै एक मेटासिड नामको विषको बोतल भेटिएको छ ।
ऋषिले आत्महत्या गर्ने समयमा जेठी श्रीमतीलाई केही म्यासेज पठाएका थिए । उक्त म्यासेजपछि जेठी श्रीमतीले घरमा आफन्त पठाउँदा २ जना नै घाइते अवस्थामा भेटिएका थिए । त्यसपछि स्थानियले प्रहरीलाइ खबर गरेका थिए । श्रीमतीको सोमबार नै मृत्यु भएको थियो भने श्रीमान ऋषिरामको मंगलबार बिहान करिब ७ बजे उपचारको क्रममा पश्चिमाञ्चल क्षेत्रीय अस्पतालमा मृत्यु भएको हो ।
सोमबार दिउँसो करिब १२ बजे उक्त घटना भएको हो । घटनाको विषयमा थप अनुसन्धान भैरहेको प्रवत्ता बस्नेतले जानकारी दिए । उनीहरुले पोखरा १७ बिरैटामा फेन्सी पसल चलाउँदै आएका थिए । ३ वर्ष अघिदेखि ऋषिराम जेठी श्रीमतीलाई छाडेर देवीमायासँगै बस्दै आएका थिए ।
‘श्रीमान–श्रीमतीको घाँटीमा चोट छ । उनीहरुको घरायसी विवाद हो । श्रीमानको पनि आज बिहान मृत्यु भयो । दुवै जनाको घाँटीमा चोट लागेको छ । डेथ भएको श्रीमती कान्छी श्रीमती हुन्,’ डिएसपी बस्नेतले भने, ‘हामीले घटनास्थलमा मेटासिडको खाली बोतल समेत फेला पारेका छौंँ । मेटासिड आएको हो या होइन । त्यो पोष्टमार्टम रिपोर्ट आएपछि मात्रै थाहा होला
