माध्यमिक शिक्षा परीक्षा (एसइई) दिएर बसेका विद्यार्थीहरुलाई म्याग्दीको सदरमुकाम बेनीमा सौन्दर्यकला सम्बन्धी विषयमा तालिम दिइएको छ ।
पोखराको गैह्रपाटनमा सञ्चालित पश्चिमाञ्चल सेकेण्डरी स्कुल र बेनीबजारको हुलाकचोकमा रहेको प्रजिया व्यूटीपार्लर एण्ड टेनिङ सेन्टरको संयुक्त आयोजनामा तालिम प्रदान गरिएको थियो । एसइई परीक्षा दिएर बसेका विद्यार्थीहरुलाई सिप सिकाएर आत्मनिर्भर बनाउने उद्देश्यले सौन्दर्यकला सम्बन्धी तालिम सञ्चालन गरिएको आयोजकले जनाएका छन् ।
तालिमको समापन गर्दै महिला उद्यम विकास समिति म्याग्दीका सभापति अम्बिका श्रेष्ठले सौन्दर्यकलाको नयाँ उद्यमी सिर्जनाका लागि तालिम सञ्चालन गरेकोमा पश्चिमाञ्चल कलेज र प्रजिया व्युटीर्पालर एण्ड टे«निङ सेन्टरलाई धन्यवाद दिनुभयो । सभापति श्रेष्ठले सौन्दर्यकला तालिमले युवा विद्यार्थीहरुलाई स्वरोजगार बन्न सहयोग पु¥याउने बताउँदै सिप सिकेपछि रोजगाारीको अवसर आउने हुँदा तालिमलाई अब पेशा र व्यवसायमा जोड्नुपर्ने बताउनुभयो ।
पश्चिमाञ्चल सेकेन्डरी स्कुलका अध्यक्ष रामनाथ ओझा र प्रिन्सिपल सरोज कोईरालाले विद्यालयमार्फत देशका विभिन्न स्थानमा पुगेर विद्यार्थीलक्षित तालिम तथा कार्यक्रमहरु सञ्चालन गर्ने गरिएको जानकारी दिनुभयो ।
प्रजिया व्युटीपार्लरका प्रोप्राइटर गंगा थापा कार्कीले सिप सिकेर स्वदेशमै पेशा तथा व्यवसाय सञ्चालन गर्न सकिने र विदेशमा जाँदा समेत तालिमले सहयोग पु¥याउने बताउनुभयो । कार्यक्रममा सौन्दर्यकला व्यवसायी संघ म्याग्दीका संस्थापक अध्यक्ष संगीता श्रेष्ठ र तालिमका सहभागी विद्यार्थी सम्पदा श्रेष्ठले मन्तव्य व्यक्त गर्नुभएको थियो ।
कार्यक्रम अध्यक्ष कार्कीको अध्यक्षता, सौन्दर्यकला व्यवसायी संघ म्याग्दीका सहकोषाध्यक्ष टिका पुनको स्वागत र पार्लरका विद्यार्थी नवीना बरालको सञ्चालनमा सम्पन्न भएको थियो ।
यही वैशाखको दोस्रो सातादेखि सञ्चालित तालिममा एसइई परीक्षा दिएर बसेका २३ जना छात्राहरु सहभागी भएका थिए । दुई हप्तासम्म निःशुल्क रुपमा सञ्चालन भएको सौन्दर्यकला सम्बन्धी विषयको तालिममा विशेष गरी सहभागीहरुलाई स्किन केयर अर्थात् छालाको हेरचाह, मेकअप, फेसियल, हेयर स्टाइललगायत विविध विषयहरुमा सिकाइएको थियो ।
