नेपाली संगीत बजार दिनप्रतिदिन संगीतमय बन्दै गएको छ। पछिल्लो समय एकपछि अर्को गर्दै नयाँ–नयाँ गीतहरु सार्वजनिक भइरहेका छन्। यही क्रममा रमेश रोकाको नयाँ गीत “स्वर्ग” सार्वजनिक भएको छ।
यस गीतमा शान्ति श्री परियार र दीपक कुँवरको स्वर रहेको छ।गीतका शब्द रमेश रोकाले लेखेका हुन् भने संगीत दीपक कुँवरको रहेको छ।गीतको भिडियोमा सरिता दानकोटीको कोरियोग्राफी तथा निर्देशन रहेको छ।
म्याग्दीको मंगला गाउँपालिकाका विभिन्न क्षेत्रमा छायांकन गरिएको म्यूजिक भिडियोमा छायांकन हरी ढकालले गरेका हुन् भने सम्पादन विष्णु खड्काले गरेका छन्।उक्त भिडियोमा दिपेश रोका र सरिता दानकोटीको अभिनय देख्न सकिन्छ।
गीत “स्वर्ग”लाई रमेश रोकाको अफिसियल च्यानलबाट सार्वजनिक गरिएको हो। मोना अष्ट्रेलियाको क्षेत्रीय कार्यसमिति कुइसल्याण्डका अध्यक्ष समेत रहनुभएका रोकाले सांगीतिक क्षेत्रका विभिन्न कार्यक्रमहरु समेत सञ्चालन गर्ने गर्नुभएको छ ।
