विश्व वातावरण दिवसको अवसरमा म्याग्दीको सदरमुकाम बेनीबजारमा सरसफाई तथा डस्विन वितरण गरिएको छ । बेनीमा सञ्चालित अर्जुन सरको कोरियन भाषा सेन्टरले विश्व वातावरण दिवसको अवसरमा बेनी अस्पताल परिसर, बेनीबजारका विभिन्न स्थानमा सरसफाई गरिएको हो ।
बेनीबजारमा कोरियन भाषाका लागि स्थापित संस्थामार्फत सामाजिक उत्तरदाहित्व अन्तरगत सफा र सुन्दर बेनीबजार बनाउने अभियानमा सेन्टरमा अध्ययनर विद्यार्थी, नेपाल प्रहरी सहितको सहभागिता रहेको थियो । बेनीबजारबाट करिब ४० बोरा कुहिने र नकुहिने फोहोर संकलन गरिएको सेन्टरका सञ्चालक सन्दिप भण्डारीले बताउनुभयो ।
वातावरण दिवसको अवसरमा मात्रै नभई अन्य दिनमा समेत सचेतनामुलक अभियानमार्फत विभिन्न कार्यहरु गरिने भाषा प्रशिक्षक समेत रहनुभएका भण्डारीको भनाई छ ।
यसैबीच सर्वसाधारणको धेरै भिड हुने स्थानमा ७ वटा डस्विन समेत राखिएको छ । सरसफाई अभियानमासमेत प्रदुषण मुक्त वातावरण बनाउन सचेतनामुलक जानकारी समेत गराइएको थियो ।
