मुस्ताङको घरपझोङ गाउँपालिका–३,स्याङमा ट्याक्टर दुर्घटना हुदाँ चालकको मृत्यु भएको छ । सदरमुकाम जोमसोमबाट फर्निचरको साम्रागी बोकेर मार्फातर्फ जाँदै गरेको ग १ त ७५०२ नम्बरको ट्याक्टर अनियन्त्रित भएर दुर्घटना हुदाँ गम्भीर घाईते भएका बागलुङ निसीखोला गाउँपालिका–५ का ३० वर्षीय चालक शेरबहादुर घर्ती मगरको प्रादेशिक अस्पताल जोमसोममा उपचारको क्रममा मृत्यु भएको जिल्ला प्रहरी कार्यालय मुस्ताङका प्रहरी निरीक्षक प्रहरी निरीक्षक विकास खत्रीले बताउनुभयो ।
मृतक चालकको टाउको र मुखमा गम्भीर चोट लागेर अचेत अवस्थामा अस्पतालमा लगिएकोमा राती ९ बजे नै मृत घोषणा गरिएको थियो । दुर्घटनामा घाईते गोरखा धार्चे गाउँपालिका–५ माछीखोला निवासी ६० वर्षीय आशबहादुर गुरुङको उपदार भइरहेको छ । घाईते गुरुङको दुबै हातमा चोट लागेको अवस्थामा हाल खतरामुक्त रहेको प्रादेशिक अस्पताल जोमसोमले जनाएको छ । दुर्घटनाको अनुसन्धान भइरहेको प्रहरीले जनाएको छ ।
