म्याग्दीको बेनी नगरपालिका ९ नम्बर वडा गलेश्वरमा बिहीबार सम्पन्न क्षत्री बन्धुहरुको भेलाबाट क्षत्री समाज नेपाल गलेश्वर कार्यसमिति गठन भएको छ । भेलाले अध्यक्षमा पुष्पा सापकोटा, उपाध्यक्षमा रबिना भण्डारी, सचिवमा निशा जिसी महत, सहसचिवमा उषा चोखाल र कोषाध्यक्षमा चाहाना खत्री चयन हुनुभएको छ ।
समाजको कार्यसमिति सदस्यहरुमा उज्ज्वल खड्का बानियाँ, सिर्जना कार्की, डिलु पुरी र पशुपति खत्री तथा सल्लाहकारमा राधिका बानियाँ र विष्णु कार्की चयन हुनुभएको समाजको नवनिर्वाचित सचिव निशा जिसी महतले जानकारी दिनुभयो । समाजका अध्यक्ष पुष्पा सापकोटाको अध्यक्षता र सचिव निशा जिसी महतको सञ्चालनमा सम्पन्न कार्यक्रममा उपाध्यक्ष रविना भण्डारीले मन्तव्य व्यक्त गर्नुभएको थियो ।
‘राष्ट्रिय अखण्डता जातीय सद्भावका निम्ती क्षत्री एकता, आजको आवश्यकता’ भन्ने मूल नारासहित गलेश्वरमा प्रथम भेलाबाट क्षत्री समाजको समिति गठन गरिएको हो । समाजमार्फत समुदायस्तरमा आगामी दिनहरुमा क्षत्रीहरुको उत्थानका लागि आवश्यक कार्यक्रमहरु सञ्चालन गरिने जनाइएको छ ।
