सुनको मूल्यमा नयाँ कीर्तिमान कायम भएको छ । स्थानीय बजारमा बिहीबारको तुलनामा आज सुनचाँदीको मूल्य तोलामा एक हजार २०० ले वृद्धि भएको छभने त्यति नै परिमाणको चाँदी पाँचले बढेको छ ।
नेपाल सुनचाँदी व्यवसायी महासङ्घका अनुसार आज एक तोला सुनको मूल्य २ लाख ६ सय निर्धारण भएको छ । त्यति नै परिमाणको चाँदी २ हजार ३ सय ६० मा खरिदबिक्री भइरहेको छ ।
हिजो बिहीबार एक तोला सुन १ लाख ९९ हजार ४ सयमा किनबेच भएको थियो भने त्यति नै परिमाणको चाँदी २ हजार ३ सय ५५ मा क्रयविक्रय भएको थियो ।
अन्तरराष्ट्रिय सञ्चारमाध्यमहरूका अनुसार आज प्रतिऔँस सुन ३ हजार ४ सय ८ अमेरिकी डलरमा कारोबार भइरहेको छ ।
