प्रथम बुद्ध कप अन्डर सेभेन फाइभ ’फाइभ–ए–साइड फुटबल प्रतियोगिताको फाइनल शनिबार हुने भएको छ । शुक्रबार सम्पन्न भएको प्रतियोगितामा केबी एकेडेमी दरबाङले आयोेजक बुद्ध एकेडेमीलाई ०–६ ले पराजित गदैं फाइनलमा प्रवेश गरेको हो । छात्रतर्फ डनिङ बोडिङ स्कुल बावियाचौरले न्यु वेष्ट पोइन्ट आवासीय माविलाई पेनाल्टीमा पराजित गरेको प्रतियोगिताका खेल संयोजक सोनम लामाले बताउनुभयो । छात्रतर्फ फाइनलमा केबी एकेडेमी र डनिङ बोर्डिङ स्कुल बिच शनिबार विहान साढे १० बजे विद्यालयको प्राङ्गनमा हुने छ ।
त्यसैगरी छात्रातर्फ आयोजक बुद्ध एकेडेमीलाई म्याग्दी एकेडेमी सिंगाले पेनाल्टीमा पराजित गरेको छ भने न्यु वेष्ट पोइन्ट आवासीय माविले माउण्ट एभरेष्ट आवासीय माविलाई ०–३ गोल प्रहार गदैं फाइनलको यात्रा तय गरेको थियो । फाइनलमा म्याग्दी एकेडेमी र न्यु वेष्ट पोइन्ट बिच हुने छ ।
विद्यालयका प्रिन्सिपल थम रोका मगर र शिक्षक प्रेम शाहीको स्मृतिमा आयोजित प्रतियोगिताको समापनको अवसरमा विभिन्न सांस्कृति कार्यक्रम समेत आयोजना गरिएको छ ।
शनिबार पप गायक सम्भोज मल्ल, लोक गायक विप्लब खातीले प्रस्तुती रहने बताइएको छ । विद्यालयका प्रिन्सिपल दिपेश पनेरुले स्वर्गीय शिक्षकको सम्झनामा आगामी दिनमा पनि विभिन्न कार्यक्रमहरु गरिने बताउनुभयो ।
प्रतियोगितामा छात्रतर्फ १९ र छात्रातर्फ ८ टिमको सहभागिता रहेको छ । छात्रातर्फ प्रथम, ३० हजार ३३३, द्धितिय १६ हजार ३३३ नगद, छात्रातर्फ १५ हजार ३३३ र ८ हजार ३३३ नगद, ट्र«फी, मेडल र प्रमाणपत्र प्रदान गरिने छ ।
