म्याग्दीको बेनी नगरपालिका–२,बाङ्गेरामा अटो दुर्घटना हुँदा चालक सहित दुई जना घाईते भएका छन् । शुक्रबार राती ८ बजे सदरमुकाम बेनीबाट बगरफाँट जादैं गरेको ग.प्र.०२००१ ह ००२० न.को अटो अचानक अनियन्त्रित भएर सडकबाट करिब २० मिनेट तल खस्दा चालक बगरफाँटका २० बर्षियसुशिल कुँवर र बेनपा–३ भकिम्लीका १५ बर्षिय रिजन हुमेन घाईते भएको प्रहरी निरीक्षक सागर पौडेलले बेनीअनलाइनलाई बताउनुभयो ।
सडकमा हिलो भएका कारण अटो अनियन्त्रित भएको प्रारम्भीक अनुसन्धानबाट खुलेको छ । दुर्घटनामा घाईतेको चालक कुँवर र हुमनेको हात र शरीरमा सामान्य चोट लागेपनि खतरामुक्त रहेको प्रहरीले जनाएको छ । घाईतेको बेनी अस्पतालमा उपचार भइरहेको छ ।
