साविकको धौलागिरीस्तरीय चार जिल्लाका मावितहका छात्रछात्रा सिंगल ब्याडमिन्टन प्रतियोगितामा छात्रतर्फ प्रकाश माविका रिघन श्रेष्ठ र छात्रातर्फ न्यु वेष्ट पोइन्ट आवासीय माविका बृटिना सुबेदी च्याम्पियन हुनुभएको छ ।
जिल्ला ब्याडमिन्टन संघ म्याग्दीको आयोजना, बेनी ब्याडमिन्टन संघको सह–आयोजना, जिल्ला खेलकुद विकास समितिसँगको सहकार्य र बेनी नगरपालिका वडा न ७ को आर्थिक सहयोगमा सम्पन्न भएको प्रतियोगितामा कक्षा १० सम्मको प्रतियोगितामा छात्रतर्फ द्धितिय न्यु वेष्ट पोइन्ट आवासीय माविका बिकल्प श्रेष्ठ,तृतिय चिल्डेन लाइन स्कुल बागलुङका रोहन बोहोरा र सरस्वती मावि तातोपानीका करण घर्ती हुनुभएको छ । प्रतियोगितामा प्रथम, द्धितिय र तृतियले क्रमश नगद, ६ हजार, ३ हजार र १५ सय, ट्र«फी, मेडल र प्रमाणपत्र प्राप्त गरेका छन् ।
त्यसैगरी छात्रातर्फ प्रकाश माविकी एलिना शर्मा, बेनी सामुदायिक माविका जेनिसा रोका र जनप्रिय मावि दरबाङकी सदिक्षा गर्बुजा तृतिय हुनुभएको छ । प्रतियोगितामा प्रथम, द्धितिय र तृतियले क्रमश नगद, ६ हजार, ३ हजार र १५ सय, ट्र«फी, मेडल र प्रमाणपत्र प्राप्त गरेको जिल्ला ब्याडमिन्टन संघ म्याग्दीका सचिव सचिन शाक्यले बेनीअनलाइनलाई जानकारी दिनुभयो । यसैबिच महिला खुल्ला डबल तर्फ दिलकुमारी फगामी, सोभा बुढाको जोडी प्रथम हुनुभएको छ भने रक्षा फगामी र जनिसा रोकाको जोडी द्धितिय, तृतियमा सामाना हमाल, सचिना जिसी र दुर्गा मगर र एलिना शर्माको जोडी हुनुभएको छ ।
प्रतियोगितामा प्रथम, द्धितिय र तृतियले क्रमश नगद, ६ हजा, ३ हजार र १५ सय, ट्र«फी, मेडल र प्रमाणपत्र प्रमुख अतिथि ःनगर उपप्रमुख ज्योति लामिछाने पौडेल, प्रबक्ता रमेश कुमार श्रेष्ठ, वडा नम्बर ८ को वडा अध्यक्ष उत्तम कुमार कर्मचार्यले वितरण गर्नुभएको थियो । समापन कार्यक्रममा जिल्ला खेल्कुद विकास समिति म्याग्दीका कार्यबाहक अध्यक्ष नगेन्द्र मल्ल,बेनी नगरपालिका ब्याडमिन्टन सङ्घका अध्यक्ष सज्जन शाक्य,बेनी नगरपालिका वडा नम्बर ७ का वडा सद्स्य सोहन श्रेष्ठ, बेनी नगरपालिका वडा नम्बर ७ का वडा सदस्य रमेश फगामी, जिल्ला खेल्कुद बिकास समितिका कार्यालय प्रमुख दान बहादुर राईजेके फाउण्डेसनका अध्यक्ष एवम अफिसियल सम्योजक बिक्रम सुवेदी मुख्य अफिसियल राज कुमार शाही लगायतको उपस्थिती रहेको थियो । म्याग्दी जिल्ला ब्याडमिन्टन सङ्घको अध्यक्ष सन्दिप अधिकारीको अध्यक्षता र सचिव सचिन शाक्यको सञ्चालनमा सम्पन्न भएको थियो ।
