प्रथम बुद्ध कप अन्डर सेभेन फाइभ ’फाइभ–ए–साइड फुटबल प्रतियोगिताको उपाधी केबी एकेडेमी दरबाङ र न्यु वेष्ट पोइन्ट आवासीय मावि बेनीले जितेको छ । शनिबार सम्पन्न भएको प्रतियोगितामा केबी एकेडेमीले ०–६ गोल प्रहार गदैं डनिङ बोडिङ स्कुल बावियाचौरलाई पराजित गरेको हो ।

छात्रातर्फ याग्दी एकेडेमीलाई ०–३ गोल गर्दैं न्यु वेष्ट पोइन्टले उपाधी आफ्नो पोल्टामा पारेको हो । विद्यालयका स्वर्गीय प्रिन्सिपल थम रोका मगर र शिक्षक प्रेम शाहीको स्मृतिमा आयोजित प्रतियोगितामा छात्रतर्फ १९ र छात्रातर्फ ८ टिमको सहभागिता रहेको थियो ।

छात्रातर्फ प्रथम, ३० हजार ३३३, द्धितिय १६ हजार ३३३ नगद, छात्रातर्फ १५ हजार ३३३ र ८ हजार ३३३ नगद, ट्र«फी, मेडल र प्रमाणपत्र प्रदान गरिएको प्रतियोगिताका संयोजक सोनाम लामाले बताउनुभयो । प्रतियोगितामा छात्रतर्फ सर्वाधिक गोलकर्ता केबी एकेडेमीका बिबेक गर्बुजा, उत्कृष्ट गोलरक्षक केबी एकेडेमीकै अरोण घर्ती राईजिङ खेलाडी बुद्ध एकेडेमीका देब सुनार, उत्कृष्ट खेलाडी डनिङ बोर्डिङका रिजन पुन र अनुशासित खेलाडीमा लिटल गार्डेन एकेडेमी घोषित भएको थियो ।

त्यसैगरी छात्रातर्फ सर्वाधिक गोलकर्तामा न्यु वेष्ट पोइन्टकी सरिता पटेल, उत्कृष्ट गोलरक्षक न्यु वेष्ट पोइन्टकै रेविका श्रेष्ठ, राईजिङ खेलाडी म्याग्दी एकेडेमीकी समिक्षा बुढा, उत्कृष्ट खेलाडी न्यु वेष्ट पोइन्टकी काब्यश्री बानियाँ र अनुशासिस टिम माउण्ट एभरेष्ट आवासीय मावि भएको छ ।
