म्याग्दीको मालिका गाउँपालिका-५, गौ बोम बस्त माध्यमिक विद्यालय, मगरदाङ्गलाई प्रबासी दङ्गाले मञ्चद्धारा कम्प्यूटर, सिसी क्यामेरा सहित साढे ८ लाख बराबरको शैक्षिक उपकरण सहयोग गरिएको छ ।
मगरदाङ्गबाट विभिन्न देशमा छरिएकाहरूको साझा संस्था प्रबासी दङ्गाले मञ्चले पितृ स्मृति सेवा कोष मार्फत विद्यालयलाई १३ थान कम्प्युटर, चार थान हेबी हेवि ड्युटी ब्याट्र«ी, २ थान सीसीटीभी क्यामेरा, २ थान नेटवर्किंङ स्विच सहित आवश्यक उपकरण सहयोग गरिएको हो ।
सहयोग हस्तान्तरण कार्यक्रमका प्रमुख अतिथि प्रवासी दाङ्गाले मञ्चका सचिव एवम् मोना अन्तराष्ट्रि«यका कोषाध्यक्ष नरेन्द्र फगामीले विद्यालयमा रहेको कम्प्युटर ल्याबको क्षमता विस्तार गदैं नियमित विद्यार्थीलाई कम्प्युटर विषयको पठनपाठनका लागि सहयोग गरिएको बताउनुभयो ।
‘आफ्नो गाउँमा रहेको विद्यालयको शैक्षिक गतिविधिमा सघाउन सानो सहयोग गरेका छौ, सबै मिलेर शैक्षिक तथा गाउँको विकासमा योगदान दिन सकिन्छ’ प्रमुख अतिथि फगामीले भन्नुभयो । सोही अवसरमा प्रमुख अतिथिले ब्यक्तिगत रुपमा पुस्तकालयमा महावीर पुनको जिवनी सहित विभिन्न ११ थान पुस्तक सहयोग गर्नुभएको थियो ।
सहयोग हस्तान्तरण कार्यक्रममा विशिष्ट अतिथि पितृ स्मृति सेवा कोषका अध्यक्ष घन बहादुर फगामी, निर्वतमान वडा अध्यक्ष पिपला बुढा, प्रबासी दङ्गाले मञ्च युएई संयोजक बेल बहादुर फगामी, विद्यालयका प्रधानध्यापक अमृत बुढाथोकी, समाजसेवी भिबेन्द्र सिउथानी, स्थानीय टोल विकास संस्था, स्वास्थ्यचौकीका प्रतिनिधि, यूवा क्लवका सहितको उपस्थिती रहेको थियो ।
कार्यक्रममा निर्वतमान वडा अध्यक्ष पिपला बुढा, पितृ स्मृति सेवा कोषका अध्यक्ष घन बहादुर फगामी, शिक्षिका सुनिता पुनले मन्तब्य राख्नुभएको थियो ।
विद्यालय ब्यवस्थापन समितिका अध्यक्ष तुलप्रसाद बुढाथोकीको अध्यक्षतामा भएको सहयोग हस्तान्तरण कार्यक्रमको स्वागत कोषका कोषाध्यक्ष रासमति पुन बुढा,सञ्चालन कोषका सचिव रन बहादुर फगामीले गर्नुभएको थियो ।
विद्यालयमा ११ थान कम्प्युटर रहेकोमा १३ थप गरिएको अब ३५ थान पुर्याएर कक्षा १ देखि १० सम्म कम्प्युटर कक्षा सञ्चालन गरिने छ ।
आफ्नो गाउँका विभिन्न क्षेत्रमा सहयोग जुटाउन समन्वयकारी भूमिका खेल्न अमेरिकामा रहनुभएका मीम बहादुर सिउथानीको अध्यक्षतामा प्रबासी दङ्गाले मञ्च गठन भएको छ । जसको अन्तर्राष्ट्रिय सह संयोजकमा हङकङबाट घन बहादुर राना, पोर्चुगलबाट देउमाया राना, कतारबाट सचिवमा नरेन्द्र फगामी, दक्षिण कोरियाबाट सहसचिव जीवन बुढाथोकी रहनुभएको छ ।
राष्ट्रिय संयोजकहरूमा अमेरिका तिलक राना, युके मदन राना, हङकङ धन बहादुर फगामी,दक्षिण कोरिया भीम बहादुर बुढाथोकी,अष्ट्रेलिया हमविर राना,जापान मोमबहादुर बुढाथोकी,ग्रीस मान बहादुर फगामी, पोर्चुगल भीम प्रसाद राना, कतार नरेन्द्र फगामी, दुबई बेल बहादुर फगामी,साउदी पृथ्वी बुढाथोकी,कुवेत मन बहादुर फगामी,सिंगापुर उमेश बुढाथोकी,इजराइल पुर्ण प्रसाद बुढाथोकी, नर्वे किस्मत फगामी,बेल्जियम प बहादुर फगामी, क्रोसिया ज्ञानु राना फगामी र स्कटल्याण्ड प्रेम सिउँथानी रहनुभएको छ ।
