राष्ट्रिय स्वतन्त्र पार्टी म्याग्दी मंगला गाउँपालिका–५ अर्मनको वडा अधिवेशनबाट सभापतिमा बलबहादुर खड्का चयन हुनुुभएको छ । शनिबार आयोजित वडास्तरीय भेलाबाट उपसभापतिमा टिलोचन खराल,सचिव सुदर्शन सापकोटा,सहसचिव नरबहादुर छन्त्याल रहनुभएको छ ।
वडा समितिमा यामकुमारी श्रीपाली,इन्द्रलाल सुवेदी,पद्ममा बिक,विनु सापकोटा खत्री,लक्ष्मी श्रीपाली,अमरबहादुर थापा र दुर्गादत्त सुवेदी रहनुभएको मंगला गाउँपालिका पार्टी सभापति सुनिल शर्माले बताउनुभयो । अधिवेशनबाट दुत्र समुहको संयोजकमा लेखबहादुर खत्री,उपसंयोजक हरिप्रसाद सापकोटा, संगठन विभाग संयोजकप्रेम खड्का,उप–संयोजक प्रकाश रोका रहनुभएको छ ।
रास्वपा जिल्ला सभापति यूवराज रोकाले विभिन्न पार्टी परित्याग गरेर आउनेलाई पार्टीमा उचित जिम्मेबारी दिने र नयाँ पुस्तालाई पार्टीका गतिविधिमा केन्द्रित गर्ने बताउनुभयो । सभापति रोकाले म्याग्दीका सबै स्थानीय तहका ४५ वटै वडामा समिति गठन गरी प्रतिनिधिसभा निर्वाचनमा म्याग्दीबाट नयाँ शक्तीको उदय गराउने उद्घोष गर्नुभयो ।
वडा अधिवेशनको उद्घाटन रास्वपा गण्डकी प्रदेशका महामन्त्री नविन त्रिपालीले गण्डकी प्रदेशमा प्रतिनिधिसभा र स्थानीय तहको निर्वाचनको तयारीमा जुट्न अनुरोध गर्नुभयो । उहाँले जनताका आवश्यकता पुरा गर्न दुत्र समुहलाई सक्रियतापुर्वक लाग्न समेत निर्देशन दिनुभयो ।
