राष्ट्रिय प्रजातन्त्र पाटी म्याग्दीको आठौं जिल्ला अधिवेशनबाट पुनः अध्यक्षमा बिरबहादुर थापा निर्विरोध चयन हुनुभएको छ । शनिबार सदरमुकाम बेनीबजारमा सम्पन्न भएको अधिवेशनबाट १७ सदस्यीय कार्यसमिति सदस्य चयन गरेको छ ।
जिल्ला कार्यसमितिको सदस्यमा सञ्जु बरुवाल,डम्बरबहादुर सुबेदी,देबेन्द्रबहादुर घिमिरे,चन्द्रबहादुर कुँवर,चन्द्रबहादुर शेरचन,मिठुकुमारी थापा,लिलसरा बुढा, चक्रपानी आचार्य,गोविन्द थापामगर, होमबहादुर थापा,नरबहादुर शाही,पृथबहादुर पाइजा,खिलबहादुर बरुवाल, चन्द्रकुमारी भट्टचन हुनुहुन्छ ।
जिल्ला कार्यसमितिको पहिलो बैठकबाट सदस्यमा निर्वाचित भएकाहरूबाट पद बाँडफाड गरिने अध्यक्ष थापाले बताउनुभयो । ’मलाई फेरी नेतृत्व सुम्पिनुभएको छ, सबैको साथ र सहयोगले पार्टीलाई थप गतिशिल बनाउँछु‘ अध्यक्ष थापाले बेनीअनलनलाई भन्नुभयो । पहिलो बैठकबाट ७ जना कार्यसमितिमा मनोनित गरिने छ ।अधिवेशनको केन्द्रिय उपाध्यक्ष दिलविकास राजभण्डारीले उद्घाटन गदैं राष्ट्रियता बचाउन राप्रपा पहिलो दल बन्नुपर्ने बताउनुभयो ।
सोही अवसरमा पूर्वराज्यमन्त्री एवम् राप्रपा म्याग्दीका संस्थापक भिमप्रसाद गौचनले म्याग्दीमा राप्रपालाई शक्तीशाली बनाउन संगठन विस्तार र नयाँ पुस्तालाई आर्कषित गर्नुपर्ने बताउनुभयो । सोही अवसरमा केन्द्रिय सदस्य जगतप्रसाद गौचन, गण्डकी प्रदेश कार्यसमिति सदस्य होमबहादुर थापा, केन्द्रिय सदस्य रामबहादुर शाहीले मन्तब्य राख्नुभएको यिथो । जिल्ला अध्यक्ष थापाको अध्यक्षता महिला उपाध्यक्ष सञ्जु बरुवालको स्वागत र सचिव देबेन्द्र घिमिरेको सञ्चालनमा सम्पन्न भएको थियो ।
