छन्त्याल परिवार अस्ट्रेलिया (सिपिए)ले म्याग्दीको रघुगंगा गाउँपालिका–६ मा पर्ने दुर्गम बस्ती ठाडाखानीमा रहेको मालिका आधारभूत विद्यालयका ४७ जना छन्त्याल विद्यार्थीहरुलाई शैक्षिक सामाग्री वितरण गरेको छ ।
विद्यालयमा आयोजित एक कार्यक्रमका विच विद्यालयमा अध्ययनरत ४७ जना छन्त्याल विद्यार्थीहरुलाई झोला, कापि, कलम लगायतका शैक्षिक सामाग्री वितरण गरिएको हो । रोजगार र अध्ययनको सिलसिलामा अस्ट्रेलिया पुगेका छन्त्याल समुदायको साझा संस्था सिपिएले आफ्नो सामाजिक उत्तरदायित्व कार्यक्रम अन्तरगत म्याग्दी र बागलुङ करिब ६ सय विद्यार्थीलाई झोला, कापी र कलम वितरण गर्न लागेको जनाएको छ ।
दुर्गम बस्तीका विद्यार्थीको शैक्षिक गतिविधिमा टेवा पुग्ने रघुगंगा गाउँपालिका–६ का वडा अध्यक्ष मनकुमार शेरपुजाले बताउनुभयो । विदेशमा पुगेर पनि आफ्नो ठाउँको शैक्षिक सुधारहोस् भनेर उहाँहरुले गरेको सहयोग अन्य समुदायका विद्यार्थीहरुका लागि पनि आगामी दिनमा सहयोग गर्न आग्रह गर्नुभयो ।
सिपिएका अध्यक्ष बुद्धिमान घरब्जा छन्त्यालले म्याग्दी र बागलुङका छन्त्याल बस्तीमा रहेका विद्यालयहरुमा अध्ययनरत छन्त्याल विद्यार्थीहरुको तथ्यांक संकलन गरि शैक्षिक सामाग्री वितरण गर्न सुरु भएको जानकारी दिनुभयो । उहाँका अनुसार, ‘पहिलो चरणमा २ सय ५० जनालाई र बाँकीलाई अर्को चरणमा शैक्षिक सामाग्री सहयोग गरिनेछ ।
सिपिएले तत्काल म्याग्दीको ठाडखानी र बागलुङका केही विद्यालयमा शैक्षिक सामाग्री वितरण गर्ने तयारी गरेको छ । उक्त सहयो हस्तातरण कार्यक्रममा विद्यालय व्यवस्थापन समितिका अध्यक्ष टेकजित छन्त्यालको अध्यक्षता, शिक्षक गोबिन्द गौतम, शिक्षक अभिभावक संघका अध्यक्ष धन बहादुरले बोल्नुभएको कार्यक्रमको संचालन दलमान छन्त्यालले गर्नुभएको थियो ।
