म्याग्दीका संस्कृतिकर्मी सञ्जयकुमार श्रेष्ठलाई ‘सूर्यनारायण पुरस्कार’ अर्पण गरिएको छ ।
सूर्यनारायण पुरस्कार संस्थाद्वारा शुक्रबार बेनीमा आयोजित कार्यक्रममा अग्रज कलाकार धनकुमारी थापा र संस्थाका अध्यक्ष सुवर्णकुमार श्रेष्ठले श्रेष्ठलाई नगद रु. २५ हजार र कदरपत्र प्रदान गर्नुका साथै दोसल्लो ओढाएर सम्मान गर्नुभएको थियो ।
समाजसेवी सूर्यनारायण श्रेष्ठको स्मृतिमा उहाँका परिवारले स्थापना गरेको संस्थाले हरेक दुईदुई वर्षमा नेपाली लोक संस्कृति, कला र साहित्यको श्रीवृद्धि गर्न योगदान गर्ने म्याग्देलीलाई सो पुरस्कार अर्पण गर्दै आएको छ । विसं २०८२ को पुरस्कार श्रेष्ठलाई प्रदान गरिएको हो ।
निरन्तर पाँच दशकसम्म गीत, संङ्गीत र नृत्यकलामा अनवरत लगावका साथै साहित्यको माध्यमबाट समाजमा पु¥याएको योगदानस्वरूप पुरस्कृत गरिएको पुरस्कार छनौट समितिका संयोजक कृष्णप्रसाद श्रेष्ठले बताउनुभयो ।
बेनीको पुरानो सांस्कृति समूह ‘दोभान ब्याण्ड’का सदस्य श्रेष्ठले पचासको दशकमा ‘रेल पुग्यो बम्बैमा’, ‘भेट भयो सलल’मा स्वरांकन गर्नुका साथै ‘जिस्की नहिँड’ पपगित एल्बम बजारमा ल्याउनुभएको थियो । सम्मान र ताली (कथा संग्रह २०७२) र तिमै्र यादमा (गीत संग्रह २०७८) प्रकाशन गरेका श्रेष्ठ विगत १२ वर्षयता नेपाल भाषा मंका खःल म्याग्दीको सांस्कृतिक संयोजकको जिम्मेवारीमा हुनुहुन्छ ।
संस्थाले २०४९ सालदेखि हालसम्म १९ जनालाई पुरस्कार प्रदान गरेको छ । भैरवबहादुर श्रेष्ठ (२०४९, टीकाबहादुर श्रेष्ठ (२०५०, दीपबहादुर खड्का (२०५२, धनकुमारी थापा (२०५३, रत्नप्रसाद श्रेष्ठ (२०५४, ठाकुरप्रसाद पराजुली (२०५६, वीरबहादुर कार्की (२०५, खड्ग गर्बुजा (२०६०, होमनाथ सुवेदी (२०६२, लक्ष्मीप्रसाद श्रेष्ठ (२०६४, अबिरकुमार श्रेष्ठ (२०६६), ध्रुवलाल शर्मा (२०६, अङ्गद श्रेष्ठ (२०७०, खगेन्द्रमिलन श्रेष्ठ (२०७२, डा. कर्ण बानियाँ (२०७४, तुलप्रसाद श्रेष्ठ (२०७६), प्रकाशकुमार श्रेष्ठ (२०७८) र चन्द्रप्रकाश बानिया (२०८०) मा पुरस्कृत हुनुभएको थियो । पुरस्कार वितरण समारोहमा संस्थाको मुखपत्र ‘गंगा’ पनि बिमोचन गरिएको सचिव अजयमिलन श्रेष्ठले जानकारी दिनुभयो ।
