शिक्षा, विज्ञान तथा प्रविधि मन्त्रालयले इन्ट्रान्स तयारी कक्षा र ब्रिज कोर्सका कक्षा सञ्चालनमा रोक लगाउने सूचना आफ्नो वेबसाइटबाट हटाएको छ ।
आइबार मन्त्रालयले विद्यालय तहका विभिन्न कक्षा र उच्च शिक्षाका विभिन्न तहमा भर्ना प्रक्रिया सुरु हुनुअगाडि लिँदै आएको इन्ट्रान्स तयारी तथा ब्रिज कोर्सका कक्षा सञ्चालनमा रोक लगाएको थियो ।
तर, सोमबार सो सूचना मन्त्रालयको वेबसाइटबाट हटाइएको छ । मन्त्रालयका प्रवक्ता शिवकुमार सापकोटाका अनुसार, सूचनामा केही विषय अस्पष्ट रहेको र सो सूचनालाई प्रस्ट पार्नुपर्ने भएकाले अहिले हटाइएको हो ।
उनका अनुसार, प्रस्ट हुने गरी फेरि वेबसाइटमा राखिने बताइएको छ ।
मन्त्रालयले आगामी १ वैशाखदेखि ब्रिज कोर्सका कक्षा सञ्चालनमा पूर्ण रूपमा रोक लगाउने निर्णय गरेको थियो ।
