म्याग्दी प्रवासी नेपाली संघ मोना दक्षिण कोरियाले पहिलोपटक प्रोढ भलिबल आयोजना गरेको छ । ‘स्वास्थ्यका लागि खेल, सद्भाव र समन्वय’ भन्ने नाराका साथ आगामी मे महिना २५ तारिकका दिन प्रतियोगिताको आयोजना गरिएको मोना दक्षिण कोरियाका सचिव दिनेश कार्कीले जानकारी दिनुभयो ।
‘३५ बर्ष नाघेका भलिबल प्रेमीलाई लक्षित गरी यो प्रतियोगिताको आयोजना गरिएको हो, यूवा भलिबलमा छुटेकाले यहाँ सहभागिता जनाउनुहुने छ’ सचिव कार्कीले भन्नुभयो । प्रतियोगिताका लागि मे महिनाको १८ तारिकका दिनसम्म टिम दर्ता गर्न पाउनेछन् ।
प्रतियोगितामा नागरिकता वा पासपोर्टमा उमेर ३५ बर्ष नाघेको हुनुपर्ने छ । कोरियामा लामो समयदेखि रोजगारी, ब्यापार र शिक्षाको सिलसिलामा बसोबास गरिरहेका ३५ बर्ष उमेर पूरा भएका नेपालीलाई यो प्रतियोगिताले जोड्ने मोना दक्षिण कोरियाका अध्यक्ष दुर्गा भण्डारीले बताउनुभयो ।
प्रतियोगितामा प्रथम, द्धितियले क्रमश १० लाख कोरियाली वोन, ५ लाख कोरियाली वोन, मेडल, ट्रफि र प्रमाणपत्र प्राप्त गर्नेछन् । त्यस्तै्र सर्वोत्कृष्ट खेलाडीले ५० हजार कोरियाली वोन प्राप्त गर्ने जनाइएको छ । प्रतियोगिताको टिम शुल्क २ लाख कोरियाली वोन तोकिएको छ ।
