बेनी नगरपालिका–४ सिंगामा रहेको शुभकामना कृषि सहकारी संस्था लिमिटेडले बजारमा माग भए अनुसारको दूध पु¥याउनै सकेको छैन । चालु आर्थिक वर्षको नौ महिनाको अवधिमा एक लाख लिटर भन्दा बढी दूध विक्री गरेको भए पनि सहकारीमा दूधको माग उच्च रहेको छ ।

चालु आर्थिक वर्षको चैत २६ गते सम्म शुभकामना कृषि सहकारी संस्था लिमिटेडको ७८ जना शेयर सदस्य कृषकहरुबाट एक लाख तीन हजार आठ सय ६० लिटर दूध संकलन गरेर विक्री गरेको हो । गत आर्थिक वर्षमा कुल एक लाख तीन हजार नौ सय ७५ लिटर दूध विक्री गरेको सहकारीले यस वर्ष नौ महिनामै उक्त लक्ष्य पार गरी सकेको छ । आर्थिक वर्ष २०८०÷०८१ मा ७२ जना कृषकहरुबाट कुल एक लाख तीन हजार नौ सय ७५ लिटर दूध संकलन गरेर विक्री गरेको थियो।

पछिल्लो ३० वर्ष देखि बेनी बजारमा जनसेवा डेरी सञ्चालन गर्दै आउनु भएका कोषानन्द आचार्यले शुभकामना कृषि सहकारीको दूध गुणस्तरीय भए पनि मागे जति नदिएको गुनासो गर्नुभयो । बेनीमा पाउने मध्ये सरदर हेर्दा शुभकामनाले दिने दूधको गुणस्तर राम्रो छ र थप माग गर्ने गरेको भए पनि उनीहरुले माग अनुसार पु¥याउन सकेका छैनन् । सहकारीले हरेक दिन बिहान र बेलुका संस्थाको कार्यालयमै दूध संकलन गर्ने र बेनी नगरपालिका–४ सिंगा तथा बेनी नगरपालिका–७ र ८ बेनी बजारका साथै जलजला गाउँपालिका–३ पर्वत बेनी सम्ममा विक्री बितरण गर्दै आएको सहकारीका दूधको बजार व्यवस्थापक बिजुन चोखालको भनाइ छ । विहान ५ बजे देखि नै सिंगामा दूध संकलनगरेर साढे ८ बजे सम्म दूध नागरिकको भान्सा सम्म पु¥याउने प्रयास गरिरहेको उहाँको भनाई छ । हाम्रो दूधको गुणस्तर राम्रो भएको हुनाले बजारमा माग धेरै छ तर माग अनुसारको पु¥याउन सकिएको छैन ।

सहकारीमा चालु आर्थिक वर्षमा काशीनाथ पौडेल, गिता खत्री, नर्मता पौडेल, कोपिलाल पौडेल तथा रेखा थापाले धेरै दूध ल्याउने गर्नुहुन्छ । अघिल्लो आर्थिक वर्षमा कासीनाथ पौडेलले तीन हजार आठ सय ६४ लिटर दूध सहकारीमा ल्याउनु भएको थियो भने चालु आर्थिक वर्षको हाल सम्म झण्डै ११ हजार लिटर दूध सहकारीलाई विक्री गर्नुभएको छ । त्यस्तै गिताले पाँच हजार तीन सय र कोपिलाल, रेखा तथा नर्मताले तीनदेखि चार हजार लिटर दूध उत्पादन गर्नुभएको छ ।

कोपिलाल पौडेल दूग्ध संयोजकको रुपमा सहकारीको दूध व्यवस्थापनको काम हेर्न थाले पछि कृषकहरुलाई आवश्यक पर्ने गाइ तथा भैसी खरिदका लागि सहकारीले नै ऋण दिने समेत गरेको छ । नर्मता पौडेलले आफू लगायतका कृषकहरुलाई गाइभैसी व्यवस्था गर्नुका साथै खरिदका लागि आवश्यक पर्ने ऋण व्यवस्थापनमा समेत कोपिलाल पौडेलकै अगुवाइमा सहकारीले गरेका जानकारी दिनुभयो । आफूसँग भएका छ वटा भैसीहरु खरिद गर्दा पनि सहकारीबाट ऋण लिएको भए पनि हाल सबै ऋण चुक्तागरेको उहाँको भनाई छ ।

शुभकामना कृषि सहकारी संस्था लिमिटेडका अध्यक्ष गोविन्दप्रसाद पौडेलका अनुसार ३२ जना कृषकले सहकारीबाट गाइभैसी खरिदका लागि ४२ लाख भन्दा ऋण लगेका छन् । साना किसान बैंक मार्फत अनुदानमा ल्याएको रकम ९ प्रतिशत र सहकारीको आफ्नो रकम १२ प्रतिशत सम्म ब्याजदरमा लगानी गर्ने गरेको उहाँले जानकारी दिनुभयो ।

सहकारीमा दूधको खाता खोलेर नियमित रुपमा दूध ल्याउने कृषकलाई सहकारीले उनीहरुको खाता भएको रेकर्ड अनुसार पैसा पनि खातामै जम्मा गरिदिने गरेको सहकारीका अध्यक्ष गोविन्दप्रसाद पौडेलले जानकारी दिनुभयो । कृषकहरुले पालेका गाइभैसीको दूध संकलन गर्दा पैसा चलायमान हुने र कृषकहरु पनि आम्दानी सँग जोडिने भएकाले पनि दूग्ध संकलन तथा बिक्रीको काम सहकारीले गर्ने गरेको उहाँको भनाई छ ।

म्याग्दीमा निर्माण ब्यवसायीबाट मजदुर र स्थानीय ब्यवसायी ठगिने क्रम रोकिएको छैन । निर्माण क्षेत्रमा काम गर्ने मजदुरदेखि मजदुरलाई रासनपानी र होटल बसेको र खाजा÷खाना खाएको पैसा समेत नदिइ भाग्ने ठेकेदारबाट स्थानीय हैरानीमा परेपछि जिल्ला प्रशासन कार्यालयलाई गुहारेका छन्

म्याग्दी मालिका गाउँपालिका-६,दरबाङ बजारकी लक्ष्मी चापाईलाई दरबाङ–धारापानी सडकखण्डका निर्माण ब्यवसायी मछुमन अर्गेजाले मजदुरलाई रासनपानी र होटल बसेको र खाजा÷खाना खाएको भन्दै पैसा नभएको चेक दिएर भागेपछि स्थानीय ब्यवसायीले जिल्ला प्रशासन कार्यालयमा सहयोग मागेका छन् ।

निर्माण ब्यवसायी अर्गेजाले लक्ष्मी चपाईलाई रासनपानी प्रयोग गरेबापत बि.स २०८० साल भदौ ७ गते अर्गेजा कन्स्ट्रक्सनको नामबाट२ लाख ६८ हजार, ठेकेदार अर्गेजाले मालिका गाउँपालिका–५थापाचौरकी कल्पना खत्रीलाई ५५ हजार ९सय,सनदेबी पूर्जाको ५० हजारको चेक दिएका थिए ।

निर्माण ब्यवसायी अर्गेजाबाट अन्य स्थानीय ब्यवसायी समेत समस्यामा परेको पीडितहरुको भनाई छ । थापाचौर, दरबाङ बजार तथा आसपासका क्षेत्रका ब्यवसायीबाट समेत उधारो खाएर भागेकाको खोजीकार्य हालसम्म कुनै चासो नभएपछि प्रमुख जिल्ला अधिकारी गुरुदत्त ढकालमार्फत सहयोग मागेको दरबाङकी ब्यवसायी लक्ष्मी चपाईको भनाई छ ।

म्याग्दीमा साना ठुला निर्माण क्षेत्रमा काम गरेका मजदुर र ब्यवसायीलाई ठेकेदारले समस्या दिने गरेको भन्दै यसअगाडी समेत प्रशासन र प्रहरीमा सहयोगको याचना गर्ने गरिएको थियो ।

दरबाङबाट धारापानीसम्मको करिब सात किलोमिटर सडकको अनुगमनमा गएका जनप्रतिनिधि सहित सरोकारवाला निकायले समेत स्थानीय ब्यवसायीको समस्यालाई बेवास्ता गरेका थिए ।

सडक उद्घाटन र हस्तान्तरणको हतारमा स्थानीय ब्यवसायीको समस्यालाई जनप्रतिनिधिले समते आँखा चिम्लिएको स्थानीयको गुनासो छ । पूर्वाधार विकास कार्यालय म्याग्दीमार्फत १४ करोड ३८ लाख ६७ हजार एक सय ७६ मा धुलिखेल ब्राइट कुँवर जेभीसँग सडक स्तरोन्नति गर्न २०७६ चैत ४ गते बहुवर्षीय ठेक्का सम्झौता गरी ०८० साल माघ महिनामा सडक नै हस्तान्तरण गरिएको थियो ।

यसैबीच पूर्वाधार कार्यालय म्याग्दीले निर्माण ब्यवसायीलाई भुक्तानी गरिसकेको जनाएको छ । सडकखण्डको काम सम्पन्न भएपछि भुक्तानी मुख्य ठेकेदारलाई गर्ने र उक्त सडकखण्डमा तिर्नुपर्ने निर्माण ब्यवसायीसँग आफ्नो कुनै सम्बन्ध नहुने कार्यालयले जनाएको छ ।

यता निर्माण ब्यवसायी अर्गेजालाई प्रहरीको सहयोगमा भएपनि उपस्थिती गराएर भुक्तानी दिने वतावारण बनाउने जिल्ला प्रशासन कार्यालय म्याग्दीले जनाएको छ । निर्माण ब्यवसायी मछुमन अर्गेजा बागलुङको बुर्तिवाङ क्षेत्रका बसोबास गर्ने बताइएको छ ।