राष्ट्रिय प्रजातन्त्र पार्टी मंगला गाउँपालिका-२, का वडा अध्यक्ष विनोद केसी ठूला पार्टीलाई स्थानीय तहको निर्वाचनमा उपविजेता बनाउन घरदैलो अभियानमा जुट्नुभएको छ । आसन्न स्थानीय तहको निर्वाचनमा मनोनयन पत्र दर्ता गरेपछि चुनावी अभियानमा ब्यस्त केसीले राष्ट्रियता, प्रजातन्त्र,हिन्दु राष्ट्रको पुर्नस्थापनाका लागि एकपटक राप्रपालाई चुनावी अभियानमा साथ दिन मतदातालाई अपिल समेत गर्नुभएको छ ।
‘नयाँ पुस्तालाई राप्रपाको योगदान मात्रै सुनाउन सकेमा ठूला पार्टीको बिजोग हुन्छ,‘नेपालीको माटोमा जन्मिएको, यहीको सिद्धान्तले जनताको माझमा जाने पार्टी राप्रपा मात्रै हो’ अध्यक्षका प्रत्यासी केसीले भन्नुभयो । उहाँले
’राप्रपाको हलो–हलोले गर्छ सबैको भलो भन्दै हामी डाँडाकाँडा घुम्दै छौ,यही नारा र हलो चिन्हले जनताको मायाँ पाउँछ’ अध्यक्ष केसीले भन्नुभयो । म्याग्दी जिल्लामा राप्रपाका संस्थापक एवम् पुर्वमन्त्री भिमप्रसाद गौचनको कामबाट प्रभावित भएर राप्रपामा जोडिएको बताउनुभयो ।
एउटा निर्वाचनमा जितेपछि अर्को निर्वाचनसम्म थेग्न नसक्ने नेताहरुलाई झण्डै ५ दशक राजनीतिमा सक्रिय भएर भिमप्रसादले चुनावी दिएकोले अव नयाँ पुस्ताले राप्रपा थाम्ने बताउनुभयो । उहाँले भिमप्रसादको सन्देश लिएर मतदाताकोमा जाने बताउनुभयो ।मंगला गाउँपालिका सहित जिल्लाभर यसपटक राप्रपाको उपस्थिती सहितको अभियानलाई केन्द्रित हुने बताउनुभयो। राप्रपाले यसपटक स्थानीय तहको निर्वाचनमा आफ्नै चुनाव चिन्हबाट उम्मेदवारी दिएको छ।\
