Site icon BeniOnline.com.np जिल्लाका ताजा अनलाइन समाचार

कोरियामा म्याग्दी रनिङ कपको तयारी तिब्र

दक्षिण कोरियामा हुन लागेको म्याग्दी रनिङ कप-२०२२ भलिबल खेल प्रतियोगिताको तयारी तिब्र बनाइएको छ । कोरियामा रहेका म्याग्देलीको साझा संस्था मोना कोरियाको आयोजनामा यही जुलाई ३१ तारिक आइतबारका दिन हुने पुरुष तथा महिला भलिबल प्रतियोगिताको विभिन्न उपसमितिहरूमार्फत तयारी तिब्र पारिएको छ ।

मोना दक्षिण कोरियाका अध्यक्ष सुनेश केसी संगबुक कुमिन छेयुक ख्वान सउलमा हुने प्रतियोगिताको जुलाई २४ तारिकका दिनदेखि नामदर्ता शुरु गरिने जानकारी दिए ।

‘खेलमार्फत नेपालीलाई जोड्ने प्रयासमा सधै छौ,‘खेलको तयारी तिब्र गतिमा अगाडी बढेको छ’ अध्यक्ष केसीले भने । प्रतियोगितामा प्रथम,द्धितिय र तृतियलाई क्रमश १५ लाख, ९ लाख र ३ लाख ५० हजार वन, मेडल र ट्रर्फी उपलब्ध गराइने प्रतियोगिता संयोजक पुस्कल पुनले जानकारी दिए । प्रतियोगितामा टिम दर्ता शुल्क साढे ३ लाख वन राखिएको छ ।

कोरियामा रहेका नेपालीलाई मोना कोरियामार्फत यसअगाडी समेत विभिन्न खेलमार्फत जोड्ने प्रयास भएको थियो । खेलकुद सहित विभिन्न कार्यक्रममार्फत समस्यामा परेका म्याग्देली र जन्मभूमिमा सहयोग गदैं आएको छ । प्रतियोगितामा जीएमई रेमिटेन्स र ग्लोबल आईएमई बैंकको सम्पुर्ण सेवा उपलब्ध हुनेछ

Exit mobile version