म्याग्दी बहुमुखी क्याम्पसको आइटी क्लवको आयोजनामा साइबर सुरक्षा, एआई टुल्स र बग बाउण्टीसम्बन्धी एकदिने सचेतनामूलक अभिमुखीकरण कार्यक्रमगरिएको छ ।

पछिल्लो समय सामाजिक सञ्जालको दुरुपयोगका कारण प्रतिदिन बढ्दै गएका साइबर अपराधसम्बन्धी घटनाको न्यूनीकरणका लागि क्लवले आयोजना गरेको कार्यक्रमको क्याम्पस प्रमुख श्रीधर सुबेदीले उद्घाटन गर्नुभयो । प्रमुख अतिथि क्याम्पस प्रमुख सुबेदीले आधुनिक प्रविधिको प्रयोगसँगै सचेतनामुलक कार्यक्रमले विद्यार्थीहरुमा ज्ञान, सिप र क्षमताको विकासमा सहयोग पु¥याएको बताउनुभयो ।

उहाँले कृत्रिम बौद्धिकता अर्थात एआईको तीव्र विकासले चुनौती थपिएको अवस्थामा झनै जनशक्ति विकास, अध्ययन, अनुसन्धान, नवप्रवर्तन आवश्यकता रहेको बताउनुभयो । क्लवका अध्यक्ष सुनारले एआई टुल्सको प्रयोग, महत्व र सम्भावनाबारे प्रस्तुती गर्नुभएको थियो । 

त्यस्तै सूचना प्रविधिका विद्यार्थी बिबेक सापकोटाले साइबर सेक्युरिटी र बग बाउण्टीबारे जानकारी दिँदै अनलाइन सुरक्षाका चुनौती, ह्याकिङका प्रकार, तथा कसरी सामान्य प्रयोगकर्ताले पनि सुरक्षित इन्टरनेट प्रयोग गर्न सक्ने भन्नेबारे तथ्यपरक सहजीकरण गर्नुभएको क्लव सचिव सन्ध्या पौडेलले जानाकारी दिनुभयो ।

क्लवले ’कृत्रिम बौद्धिकता’ अर्थात् आर्टिफियिस इन्टिेलिजेन्स ( एआई )का बारेमा थप विभिन्न कार्यक्रम गर्ने जनाएको छ । क्लवका अध्यक्ष शेर बहादुर सुनारको अध्यक्षता तथा परिप्सा जिसीले स्वागत र सञ्चालन अविजित शाहीले सञ्चालन गर्नुभएको थियो ।

मुखिया जेमदग्नि पौडेल स्मृति सेवा केन्द्र बेनी नगरपालिका-५ मुलघरे पौडेल परिवारद्धारा कृति विमोचन एवं स्रष्टालाई सम्मान गरेको गरेको छ । बेनपा-४ सिंगामा आयोजित अक्षय कोष स्थापना,कृति विमोचन, सम्मान तथा सहयोग हस्तान्तरण कार्यक्रम सम्पन्न भएको हो ।

कार्यक्रममा प्रमुख अतिथि मदन पुरस्कार विजेता लेखक चन्द्रप्रकाश बानियाँ, प्रा.डा. हेमराज सुबेदी, गायक तथा साहित्यकार संरक्षक यादबप्रसाद शर्मा पौडेल, विश्व हिन्दु महासंघ म्याग्दीका निर्वतमन अध्यक्ष कृष्णप्रसाद शर्माले कृतिको संयुक्त रूपमा लोकार्पण गर्नुभएको थियो ।

सोही अवसरमा साहित्यकार एवम् लेखक चन्द्रप्रकाश बानियाँलाई ३१ हजार १११ रुपैयाँ, साहित्यकार नरबहादुर बिसी, डा.हेमराज सुबेदीलाई जनही २५ हजार १२५ रुपैयाँ, सम्मानपत्रले स्मृति सेवा केन्द्रका संरक्षक यादबप्रसाद शर्मा पौडेल,अध्यक्ष रामप्रसाद पौडेलले सम्मान गर्नुभएको थियो । सोही अवसरमा साहित्यकार अजयमिलन श्रेष्ठले कृतिको चर्चापरिचर्चा गर्नुभएको थियो ।

कार्यक्रममा वडा अध्यक्ष अणबहादुर खड्का, मोहनबहादुर स्मृति साहित्य प्रतिष्ठानका अध्यक्ष केदारनाथ पौडेल, साहित्यकार धु्रबलाल शर्मा, रेखाकौशल रेग्मी, धौलागिरी माविका शिक्षक डण्डपानी सापकोटा,गणनाथ पौडेल, दिननाथ पौडेल, नारायणप्रसाद भट्टराई, म्याग्दी पुलाचौर समाज काठमाण्डौका अध्यक्ष डम्मरबहादुर केसीलगायतले बधाई र शुभकामना व्यक्त गर्नुभएको थियो । सोही अवसरमा स्मृति सेवा केन्द्रले ११ लाख ११ हजार १११ रुपैयाँको कोष स्थापना गरेको छ ।

धौलागिरी मावि सिंगा,जनकल्याण मावि पुलाचौरलाई शैक्षिक तथा खेलकुद साम्रागी वितरण, जेष्ठ नागरिक दधिलाल पौडेल र कमलकुमारी भट्टचनलाई कदरपत्र र दोसल्लाले सम्मान गरिएको थियो । स्मृति सेवा केन्द्रका संरक्षक यादबप्रसाद शर्मा पौडेलको अध्यक्षता,सचिव देवीप्रसाद पौडेल स्वागत, अध्यक्ष रामप्रसाद पौडेलको सञ्चालनमा सम्पन्न भएको कार्यक्रममा साहित्यकार, समाजसेवी, विभिन्न संघसंस्थाका प्रतिनिधि गरी २ सय जनाको सहभागिता रहेको थियो ।

बेनी सामुदायिक माध्यमिक विद्यालयले विद्यार्थीलाई कपाल काट्ने तालिम सञ्चालन गरेको छ । बेनी नगरपालिकाको “हामी सक्छौँ, हामी गछौँ” कार्यक्रममार्फत विद्यार्थीलाई पढाइसँगै सिप सिकाइएको हो । कक्षा ८, ९ र ११ मा पढ्ने २५ जना विद्यार्थीलाई उनीहरूको रुची अनुसार १५ दिने कपाल काट्ने तालिम सञ्चालन गरेको विद्यालयका प्रधानअध्यापक दीपक श्रेष्ठले बताउनुभयो ।

“विद्यार्थीको माग र रुची अनुसार कपाल काट्ने तालिम छनोट गरिएको हो,” उहाँले भन्नुभयो, “यही जेठ २६ गतेदेखि सुरु भएको तालिम असार १० गतेसम्म सञ्चालन गर्छौँ ।” विद्यार्थीलाई बेनीका अभिशेक श्रेष्ठले कपाल काट्ने तालिम दिइरहनु भएको छ ।

दिउँसो ४ बजे विद्यालयको नियमित कक्षाको पठनपाठन सकिएपछि दुई घण्टाका दरले तालिम सञ्चालन गरिएको छ । तालिममा सहभागी कक्षा ११ का छात्र सुयोग रेग्मीले घरपरिवारका सदस्यको कपाल काटेपनि खर्च बचत हुने र भविष्यमा व्यवसाय सञ्चालनका लागि सिकेको सिपले सहज हुने बताउनुभयो ।

प्रअ श्रेष्ठका अनुसार बेनीमा सार्वजनिक बिदाका दिनमा सैलुनमा कपाल काट्न घण्टाैँसम्म कुरेर पालो पर्खनुपर्छ । विद्यार्थीले सिकेको सिपको सदुपयोग गरेर सामुहिक व्यवसाय सञ्चालन गर्न चाहेमा विद्यालयले सटर उपलब्ध गराउने प्रअ श्रेष्ठले बताउनुभयो ।

“गत वर्ष प्लम्बिङ र अघिल्लो वर्ष कपाल काट्ने तालिम दिइएको थियो,” उहाँले भन्नुभयो “विद्यालयले प्लम्बिङ, हेयर कटिङ र वायरिङसम्बन्धी सेवा दिन आफ्नै भवनको सटरमा पसल खोल्ने योजना छ ।”

माध्यमिक तहमा अध्ययन गर्ने विद्यार्थीलाई विद्यालयमै सिप सिकाएर विद्यार्थी र शिक्षालाई श्रमसँग जोड्न कार्यक्रम सञ्चालन गरिएको नगर प्रमुख सुरत केसीले जानकारी दिनुभयो ।

बेनी नगरपालिकाले १६ वटा विद्यालयलाई चालु आर्थिक वर्षमा हामी सक्छौँ, हामी गर्छौँ कार्यक्रमका लागि एक/एक लाखका दरले १६ लाख बजेट विनियोजन गरेको छ ।

बिहान बेलुकी विद्यार्थीको अनुकुल समयमा आलोपालो गरेर तालिममा सहभागी हुने व्यवस्था मिलाइएको छ । बेनी नगरपालिकाको सामुदायिक विद्यालयका करिब ५०० जना विद्यार्थी सिपमूलक तालिममा सहभागी हुने अपेक्षा गरिएको छ । रासस

म्याग्दीको प्रसिद्ध धार्मिकस्थल मालिका मन्दिरमा जेष्ठी पूर्णिमामा ४ हजारभन्दा बढी भक्तजनले दर्शन गरेका छन् । म्याग्दीको मालीका, रघुगंगा र मंगला गाउँपालिकाको सिमानामा समुन्द्री सतहदेखि तीन हजार ३ सय मिटर उचाइमा अवस्थित मालिकाधुरीमा म्याग्दीका साथै बागलुङ, पर्वत, कास्की, बुटवल लगायतका क्षेत्रबाट भक्तजनले पदैल र यातायातका सवारीसाधनमा पुगेर भक्तजनले पूजआजा गरेको मालिका क्षेत्र विकास संरक्षण समितिका अध्यक्ष छकप्रसाद पाईजाले बताउनुभयो ।

‘अनुकुल मौसम भएकाले भक्तजनहरुको भिड थियो, भक्तजनलाई आवतजावतमा सास्ती नभएकाले पनि बर्षेनी बढ्दै छन्’ अध्यक्ष पाईजाले भन्नुभयो ।

मन्दिरमा ८२ हजार दानभेटी संकलन भएकोमा पूजाआजामा खटिएका सहित विविध खर्च कटाएर बाँकी रहेको ३६ हजार ५ सय बैंक खातामा जम्मा गरिने अध्यक्ष पाईजाले बताउनुभयो । मन्दिरमा दर्शन गर्न आउनुभएका बागलुङङा अर्जुन सापकोटाले खानेपानीका लागि २५ हजार र बुटबलबाट दिलकुमारी तुलाचनले ६ हजार सहयोग गर्नुभएको छ ।

मन्दिरमा संकलन भएको भेटीबाट मन्दिरमा आवश्यक पर्ने विभिन्न क्षेत्रमा खर्च गरिन्छ ।एउटै चट्टानमा त्रिदेवी मालिका, कालिका र जालपा रहेको मालिकाधुरीमा चण्डी पुर्णिमा, जेष्ठी पुर्णिमा र कार्तिक पुर्णिमामा दर्शन र पुजाआजा गर्ने भक्तजनहरुको घुइँचो लाग्छ ।

त्रिदेवीको दर्शनले मनोकांक्षा हुने जनविश्वासका साथ बषौंदेखि भक्तजनहरू मालिकाधुरी पुग्छन् । कालिका र जालपकाको बीचमा मालिका मन्दिर छ । एउटा ठूलो शिलालाई कालिका र अर्कोलाई जालिकाको रूपमा पुजिन्छ।मन्दिर नजिकै चट्टानमा गणेशको पूजा गरिन्छ ।

आँखामा नै ठोक्किन आउने धौलागिरि, नीलगिरि, अन्नपूर्ण, मनास्लु, माछापुच्छ्रे, गुर्जा, चुरेन, पुथालगायतका दर्जनौँ हिमश्रृंखला देखिन्छन् ।मन्दिरको चारैतिरबाट सडक सञ्जाल छोडेर करीब साढे तीन घण्टाको यात्रामा पुगिने मालिका मन्दिरलाई धार्मिकसँगै पदयात्राका लागिसमेत सुन्दर गन्तव्यका रुपमा विकास गर्न मालिका र रघुगंगा गाउँपालिकाले सडक सञ्जाल विस्तार गरेकाले करिब एक घण्टाको पैदलयात्रामा पुगिन्छ ।