यहाँका एक ब्यक्तिले जन्मदिनको खर्च मुटुरोगी एक बालिकाको उपचारमा आर्थिक सहयोग गरेका छन् । बेनी नगरपालिका डम्बरका विदुर कार्कीले जिल्लाको विकट लुलाङकी सञ्जुमायाँ विकको उपचारमा १० हजार आर्थिक सहयोग गरेका हुन् । आर्थिक अवस्था कमजोर भएकै कारण उपचारमा समस्या झेल्दै आएकी विकको उपचारमा जन्मदिनमा हुने खर्चलाई कटाएर सहयोग गरेको कार्कीले बताए । ‘पहिल्यै सहयोग गर्ने चाहना थियो । अनुकुल समय मिलेको थिएन’ कार्कीले भने ।

आर्थिक अवस्था कमजोर भएका म्याग्देलीको उपचारमा सहयोग जुटाइरहेको म्याग्दी जिल्लाकै परोपकारी संस्था ओमकुमारी शान्ति कोषका अध्यक्ष राजेश शाक्यलाई रकम हस्तान्तरण गरेका हु्न् । सहयोग हस्तान्तरणको अवसरमा कोषका अध्यक्ष शाक्यले आर्थिक अभाव भएकालाई सहयोग गर्ने अभियानमा रचनात्मक सहयोग प्राप्त भइरहेको बताए । उनले आफ्नो जन्मदिन,छोराछोरी, अभिभावक तथा आफन्तको सम्झनामा समेत सहयोग गर्ने अभियानले उपचार अभियानमा सहज भएको बताए । काठमाण्डौस्थित शहिद गंगाला ह्दयरोग केन्द्रमा उपचार गराइरहेकी विकलाई आवश्यक पर्ने यातायात, आवास लगाएतका खर्च कोषले जुटाइरहेको छ ।

जिल्लाको विकट लुलाङ लमसुङकी सञ्जुमायाँ विक मंगलबार अप्रेसनका लागि काठमाण्डौ प्रस्थान गरेकी छन् । करिव चार महिना अगाडी मुटुमा समस्या देखिएपछि आर्थिक अभावका कारण उपचारबाट बन्चित भएकी विकको परिवारले बेनीअनलाइनलाई जानकारी गराएपछि सुरु भएको अभियानमा परोपकारी संस्था ओमकुमारी शान्ति कोषले उपचारमा सहयोग गरेको छ ।

उपचारमा यातायात खर्च सहित आवश्यक सहयोग उपलब्ध गराइरहेको कोषका अध्यक्ष राजेश शाक्यले थप १० हजार सहयोग गरेका छन् । शरीरका दुख्न थालेपछि जिल्ला अस्पताल म्याग्दीमा भर्ना भएकी विकको मुटुमा समस्या देखिएपछि काठमाडौंस्थित शहिद गंगालाल हृदयरोग केन्द्रमा भर्ना भएकी थिईन् । यातायात, अस्पतालमा लाग्ने सामान्य खर्चको समेत अभाव भएपछि घर फर्किएकी विकको उपचारमा कुनैपनि अभाव महसुस हुन नदिने कोषका अध्यक्ष शाक्यले बेनीअनलाइनलाई बताए ।

‘आर्थिक अभावका कारण कसैको ज्यान जानुहुदैन् । पैसा नभएका म्याग्देलीको ज्यान जाने अवस्था रोक्ने सफल भएका छौ’ उनले भने । विक सहित जिल्लामा २६ जनाको उपचारमा आर्थिक जुटाएर नयाँ जिवन दिन सफल भएको उनले बताए । पिडित सञ्जुमायाँकी आमाले समेत कोषले सहयोग गरेर आफ्नो छोरीको अप्रेसन सहितको सहयोगमा सहज भएको बताए । लमसुङ माविमा कक्षा ६ मा अध्ययरत विक ३ छोरा र २ छोरी मध्ये विक जेठी छोरी हुन् ।

More Story: लुलाङकी मुटुरोगी सञ्जुमायाँको उपचारमा याचना

बेनी नगरपालिका–६ मंगलाघाटकी एक बृद्धाले स्वर्गिय श्रीमानको सम्झनामा म्याग्दीका गरिव तथा विपन्नको उपचारमा आर्थिक सहयोग गर्नुभएको छ ।
मंगलाघाटकी ७३ बर्षिय डम्बर कुमारी केसीले स्वर्गीय श्रीमान पदमलाल शर्माको सम्झनामा छोरी दुर्गा केसीमार्फत ओमकुमारी शान्ति कोषका उपाध्यक्ष हरिकृष्ण गौतमलाई ५ हजार ९ सय ९५ रुपैयाँ सहयोग हस्तान्तरण गर्नुभएको हो ।

आर्थिक अभावकै कारण उपचारबाट बन्चित हुनुपर्ने अवस्थाका अन्त्य गर्ने अभियान सञ्चालन गरिरहेको परोपकारी संस्था ओमकुमारी शान्ति कोषलाई पृत्रीको नाममा सहयोग गरिएको दुर्गा केसीले बताउनुभयो । ‘धेरैको उपचारमा सहयोग जुटाइरहेको देखेपछि आमाले पनि सहयोग गर्ने इच्छा ब्यक्त गर्नुभयो । भविस्यमा पनि सहयोग गर्नेछौ’उहाँले भन्नुभयो ।

०७१ भदै ४ गते स्वर्गारोहण हुनुभएका शर्माको सम्झनामा भविस्यमा पनि सामाजिक क्षेत्रमा सहयोग गर्ने परिवारले बताएका छन् । बेनी नगरपालिका–१४ की ओमकुमारी शान्ती पुन हाईपोपलास्टिक एनिमिया रोगबाट पीडित भएपछि उपचारमा सहयोग जुटाउन सुरू भएको अभियानको क्रममा निधन भएपछि ओमकुमारीको नाममा स्थापना गरिएको कोषले हालसम्म २६ जनाको सफल उपचार गरेको छ ।

कोषमा ३७६ आजिवन सदस्य, १६ जना संरक्षक रहेको कोषका अध्यक्ष राजेश शाक्यले बताउनुभयो । ब्लड क्यान्सर, मुटु, मृगौला, हाडजोर्नी, आँखा, नशा लगाएत विभिन्न किसिमका रोगको उपचारमा भइरहेको छ । हाल ४ जनाको उपचार भइरहेको छ भने ५ जनाले निवेदन दिएका छन् । कोषका अभियानमा जन्मदिन, विवाह, बर्तबन्ध, आफन्तको सम्झना लगाएत विभिन्न कार्यहरूमा समेत सहयोग उपलब्ध हुने गरेको छ ।

म्याग्दीको अर्मन गाविस पिपलबोट स्थायी घरभई हाल काठमाण्डौमा रहेकी एक बालिकाको आफ्नो ५ औं वर्ष प्रवेशको अवसरमा जन्मदिनको खर्च कटाएर सामाजिक क्षेत्रलाई सहयोग गरेकी छन् । बिहिबार ओमकुमारी शान्ति कोष मार्फत आर्थिक अवस्था कमजोर भएकाको उपचारमा सघाउने उदेश्यले चाहना क्षेत्री मार्फत ५ हजार ५ सय ५५ आर्थिक सहयोग गरिएको हो । नीर बहादुर क्षेत्री र माया क्षेत्रीले छोरी चाहनाको जन्मदिनमा पवित्रकार्यमा सहयोग गर्न पाउँदा उत्साहित भएको बताएका छन् ।

म्याग्दी जिल्लामा आर्थिक अवस्था कमजोर भएकै कारण उपचारबाट बन्चित भएका सहित विपद्मा सहयोग जुटाइरहेको कोषको अभियानमा छोरीको जन्मदिनको अवसरमा सहयोग गरेको बताउँदै सहयोग रकम सानो भएपनि उपचारमा सहयोग पुग्ने अभिभावकले बताएका छन् । कोषमार्फत ब्लड क्यान्सर, मुटु, मृगौला, हाडजोर्नी, आँखा, नशा लगाएत विभिन्न किसिमका रोगको उपचारमा सहयोग भइरहेको छ ।

जिल्लाको एकमात्रै परोपकारी संस्थाको रुपमा समेत आफ्नो पहिचान बनाउन सफल भएको छ ।गरिव तथा विपन्नबर्गको उपचारका साथै भुकम्प, बाढीपहिरो पिडितलाई समेत आर्थिक जुटाउने गरिएको कोषका अध्यक्ष राजेश शाक्यले बताए । १ करोड ५० लाखको अक्षय कोषको स्थापना गरी विपन्नको उपचारलाई थप प्रभावकारी बनाउने अभियान अन्र्तरगत ब्यक्तिगत सहयोगलाई सोही कार्यमा सहयोग गरिने बताए ।