नेपाल सरकारका नवनियुक्त उर्जा ,जलस्रोत तथा सिंचाइ राज्य मन्त्री खमबहादुर गर्बुजा ‘खम्बिर’ले जिल्लाको विकासलाई पहिलो प्राथमिकता दिएर काम गरिरहेको बनाउनु भएको छ । आइतबार बेनी स्थित नेपाली कांग्रेस म्याग्दीले आयोजना गरेको स्वागत सहित बधाई तथा सम्मान कार्यक्रमलाई सम्बोधन गर्दै राज्यमन्त्री गर्बुजाले यस्तो बताउनुभएको हो ।

बेनी–दरबाङ सडकखण्डअन्तर्गत पर्ने फापरखेत पहिरो क्षेत्रमा वैकल्पिक सडक र बेलिब्रिज बनाउने प्रक्रिया अगाडी बढेको बताउनुभयो । संघीय भौतिक पुर्वाधार तथा यातायात मन्त्रालय मार्फत बेलिब्रिज बनाइने उहाँले बताउनुभयो ।

पश्चिम म्याग्दी मात्र नभई बागलुङ,पुर्वी रुकुम,डोल्पा जोड्ने जिल्लाको मंगला गाउँपालिका–३, पखेर र वडा नम्बर २ स्थित सिमलचौर पुछार जोड्ने म्याग्दी नदिमाथि बेलिब्रिज तथा सडक निर्माणका लागि लामो समयदेखि आफुले दौडधुप गरिरहेको बताउँदै छिट्टै बेलिब्रिज बनाउने गरी प्रक्रिया अघि बढेको जानकारी दिनुभयो ।

‘‘वर्षौदेखिको समस्या समाधान गर्न बेलीब्रिज बनाउन प्रदेश सरकारका मुख्यमन्त्री सुरेन्द्रराज पाण्डे ज्युले सहयोग गरिरहनुभएको छ । लामो समय दौडधुप गरेपछि संघीय सरकार भौतिक पुर्वाधार तथा यातायात मन्त्रालयले पनि बेलीब्रिज बनाउनको लागि प्रक्रिया अगाडी बढाएको छ ,’’ नेपाली कांग्रेस म्याग्दीका सभापति समेत रहनुभएका राज्यमन्त्री गर्बुजाले भन्नुभयो । उहाँले आफ्नो पहलमा जिल्लामा बेनी बजार चक्रपथ ,तातोपानी बजार संरक्षण ,बृहत खानेपानी लगायत ठुला विकास आयोजनाहरु भित्रिएको स्मरण गराउँदै आफ्नो कार्यकालमा थप विकास बजेट भित्र्याउने पहल भइरहेको बताउनुभयो ।

कार्यक्रममा संविधानसभा सदस्य रेशमबहादुर बानियाँ , उपसभापतिद्धय हरिकुमार श्रेष्ठ र केवी भण्डारीले बधाई सहित सफल कार्यकालको शुभकामना व्यक्त गर्नुभएको थियो । बेनी नगरपालिका परिसरदेखि संगमचोक स्थित पार्टी कार्यालय सम्म नेता तथाकार्यकर्ता ,शुभेच्छुक लगायतले बाजागाजा ,¥याली सहित भव्य स्वागत गरेका थिए । पार्टी कार्यालयमा नेपाली कांग्रेस म्याग्दीको तर्फबाट बधाई सहितको सम्मानपत्र समेत प्रदान गरिएको थियो । पार्टी जिल्ला सचिव हिराबहादुर पुनले कार्यक्रम संचालन गर्नुभएको थियो ।

नदी कटान र बाढी नियन्त्रण गर्न म्याग्दीको बेनी नगरपालिका–४ सिङ्गा तातोपानीमा ‘कम्पोजिट’ प्रविधिको पर्खाल निर्माण भएको छ। चालु आर्थिक वर्ष २०८१ /८२ मा सङ्घीय र प्रदेश सरकारले विनियोजन गरेको बजेटबाट म्याग्दी नदी किनारको फरकफरक ठाउँमा सिँचाइ तथा जलस्रोत व्यवस्थापन आयोजना पोखरा र जलस्रोत, सिँचाइ तथा खानेपानी डिभिजन कार्यालयले पक्की पर्खाल निर्माण गरेका हुन्।

गत फागुनदेखि सुरु भएको दुईवटै योजना बर्खा सुरु हुनुअघि नै सम्पन्न भएको तातोपानीका बासिन्दा दिनेश केसीले बताए।  एक करोड ५५ लाखमा ठेक्का सम्झौता गरेको साहाना–बिआरटी जेभी पर्वतले सरस्वती माविमुनि कम्पोजिट प्रविधिको पर्खाल निर्माण गरेको छ। यो योजनाका लागि रु दुई करोड ७० लाख लागत अनुमान गरिएको थियो।

म्याग्दी नदीको किनारमा कटान नियन्त्रणका लागि ६६ मिटर लामो, चार मिटर चौडाइ भएको तीन-तीन मिटर अग्लो कङ्क्रिट र त्यसमाथि ग्याविन पर्खाल निर्माण भएको सिँचाइ तथा जलस्रोत व्यवस्थापन आयोजनाका इञ्जिनियर नरजङ गुरुङले बताए।

जलस्रोत, सिँचाइ तथा खानेपानी डिभिजन कार्यालयले विनियोजन गरेको रु ५० लाख बजेटबाट ठेक्का पाएको कम्पनी शान्ति निर्माण सेवाले उपल्लो तातोपानी बजारको पछाडि पक्की पर्खाल निर्माण गरेको छ। यो ठेक्कामार्फत ४० मिटर लामो पलम, सेयर र ग्यावियन पर्खाल निर्माण भएको कार्यालयका प्रमुख डिभिजनल इञ्जिनियर झलकमोहन ओझाले बताए।

विसं २०७८ मा म्याग्दी नदीमा आएको बाढीले तातोपानीस्थित फापरखेत र मसारमा कटान गरेको थियो। मसारमा दुईवटा घर भत्किएका थिए। फापरखेतमा रहेको सरस्वती मावि, ज्वालामाई भगवती आमा समूहको भवन र मसारको १७ घर नदी कटानको जोखिममा छन्। करिब एक सय घरपरिवारको बसोबास रहेको उपल्लो तातोपानी बजार पनि म्याग्दी नदीको कटानको जोखिममा छ।

यसअघि ग्यावियन पर्खाल निर्माण गरेर नदी नियन्त्रण गरिँदै आएकामा यसपालिदेखि पक्की पर्खाल निर्माण गर्न थालिएको वडाध्यक्ष अणबहादुर खड्काले बताए। प्राकृतिक उपचार स्थलका रूपमा परिचित सिङ्गा तातोपानी र बेनी बजारमा म्याग्दी नदीको कटान नियन्त्रणका लागि चालु आवमा बहुवर्षीय स्रोत सुनिश्चित भएको रु १० करोड बजेटको योजना कार्यान्वयनका लागि पनि ठेक्का प्रक्रियामा छ।सिँचाइ तथा जलस्रोत व्यवस्थापन आयोजनाका इञ्जिनियर गुरुङका अनुसार तातोपानीमा एक सय दुई मिटर र बेनीको दरवाङ बजार पछाडि एक सय ६५ मिटर कम्पोजिट पर्खाल निर्माण गर्न लागिएको हो।

नेकपा एमालेका तत्कालिन महासचिव मदनकुमार भण्डारी र जिवराज आश्रितको ३२ औं स्मृती दिवसको अवसरमा बेनी अस्पतालका बिरामीलाई फलफूल बितरण गरिएको छ ।

नेकपा एमाले म्याग्दीको आयोजनामा भएको फलफूल बितरणमा एमालेकी स्थायी कमिटी सदस्य थममायाँ थापा, केन्द्रीय सदस्य भूपेन्द्र थापा, एमाले गण्डकी प्रदेश कमिटी सचिवालय सदस्य हरिकृष्ण श्रेष्ठ, जिल्ला अध्यक्ष बालकृष्ण सुवेदी लगायतको उपस्थिति रहेको थियो ।

बेनी अस्पतालको इमर्जेन्सि तथा अन्तरंग बिभागमा रहेका बिरामीहरुको स्वास्थ्यलाभको कामना गर्दै फलफूल बितरण गरिएको एमाले म्याग्दीकी सचिव थमसरा पुनले जानकारी दिनुभयो । उक्त कार्यक्रममा बेनी अस्पताल व्यवस्थापन समितिकी अध्यक्ष एवम् जिल्ला समन्वय समितिकी उपप्रमुख डिलकुमारी खत्री, बेनी अस्पतालकी निमित्त मेडीकल सुपरिटेण्डेन्ट अनुसा मानन्धर, मेडिकल अधिकृत रामु सापकोटा लगायतको समेत सहभागिता रहेको थियो ।

पुख्यौंली नाचको संरक्षण तथा नयाँ पुस्तामा हस्तान्तरण गर्ने उदेश्यले म्याग्दीको धवलागिरि गाउँपालिकामा पुख्र्यौली नृत्य प्रतियोगितामा मुना पुख्र्यौली नाच समुह प्रथम भएको छ ।

गाउँपालिकाको आयोजनामा शनिबार गाउँपालिका केन्द्र मुनामा सम्पन्न पुख्र्यौली नृत्य प्रतियोगितामा मुदी पुख्र्यौली नाच समुह द्वितीय, खिबाङ पुख्र्यौली नाच समुह तृतिय तथा ताकमको धार्मिक नाच र काफलडाँडा पुख्र्यौली नाच समुह सान्त्वना भएको गाउँपालिका प्रवत्ता देवेन्द्र रोकाले जानकारी दिनुभयो । मुनाका अध्यक्ष समेत रहनुभएका रोकाका अनुसार प्रतियोगितामा पाँच नाच समुहले भाग लिएका थिए ।

प्रतियोगितामा प्रथम मुनाले नगद २५ हजार, दोस्रो मुदीले २० हजार, तृतीय खिबाङले १५ र सान्त्वना हुने दुवै समुहले १०÷१० हजार रुपैयाँ नगद र प्रमाणपत्र हात पारेका गाउँपालिकाका प्रमुख प्रशासकीय अधिकृत मोतिप्रसाद अर्यालले बताउनुभयो ।मगर तथा छन्त्याल समुदायको मौलिक कला संस्कृतिको रूपमा रहेको पुख्र्यौली नाचको संरक्षण र प्रचारप्रसार र नयाँ पुस्तामा कला संस्कृतिको पुस्तान्तरणका लागि आगामी बर्ष पनि निरन्तरता दिने गाउँपालिका अध्यक्ष प्रेमप्रसाद पुनले बताउनुभयो ।

पुरस्कार वितरणमा गाउँपालिका अध्यक्ष पुन, उपाध्यक्ष रेशम पुनमगर, प्रमुख प्रशासकीय अधिकृत अर्याल, कार्यपालिका सदस्यहरुले विजेता ,उपविजेता ,तृतिय र सान्त्वना नाच समुहलाई पुरस्कार वितरण गर्नुभएको थियो।

म्याग्दीको मंगला गाउँपालिका वडा नं १ पुर्णगाउँस्थित राष्ट्रिय जन जागृति माविमा मनकुमारी स्मृति कोष स्थापना गरिएको छ। स्थानीय शिक्षाप्रेमी भुपु भारतीय सैनिक तेजबहादुर बुढाथोकीको धर्मपत्नी स्व. मनकुमारी बुढाथोकीको १३औ पुन्यतिथीको अवसरमा परिवारका सदस्यहरुले राष्ट्रिय जनजागृति माविमा २ लाख दुई हजार ७०७ रुपैयाँको अक्षय कोष स्थापना गर्नुभएको छ ।

अक्षय कोषका लागि स्वर्गीय मनकुमारीको परिवारबाट १ लाख ७ हजार ७०७ रुपैयाँ, माहिली छोरी हरिदेवी पुनबट ६५ हजार, जेठी छोरी विष्णुमायाँबाट १५ हजार, कान्छी छोरी नरदेबी राम्जालीबाट १५ हजार सहयोगमा कोष स्थापना भएको विब्यस अध्यक्ष गोविन्दप्रसाद सुबेदीले बताउनुभयो ।

सोही अवसरमा हरेराम कृतन समुह ४८ हजार १५ रुपैयाँ, जनआवाज माधारभुत विद्यालयलाई २५ हजार ५ रुपैयाँ, गुप्तेश्वर बाल आमाविलाई १० हजार ५ रुपैयाँ, भगवती आमा समुह २० हजार ५ रुपैयाँ, शिवालय आमा समूह १० हजार ५ रुपैयाँ, गुप्तेश्वर आमा समुह १० हजार ५ रुपैयाँ, लाल यूवा क्लव १० हजार ५ रुपैयाँ, बुढाथोकी कुल मन्दिर १५ हजार ५ रुपैयाँ सहयोग गरिएको बुढाथोकी परिवारले जनाएका छन् । गाउँका शैक्षिक तथा विभिन्न सामाजिक संघसंस्थामा गरिएको सहयोगलाई संस्थागत अभियानमा खर्च गरिने छ ।