सिपमूलक व्यवसाय सञ्चालन गर्ने जनशक्ती उत्पादन गर्न म्याग्दीको सदरमुकाम बेनीमा रहेको पिस साइन व्युटी होम एण्ड ट्रेनिङ सेन्टरको १८ औं बार्षिकोत्सवको अवसरमा आयोजित रक्तदान कार्यक्रममा २५ पिन्ट रगत सङ्कलन भएको छ । नेपाल रेडक्रस सोसाईटीको रक्तसञ्चार केन्द्रको प्राविधिक सहयोगमा आयोजित रक्तदान कार्यक्रमको बेनी नगरपालिका उपप्रमुख ज्योति लामिछाने पौडेलले उद्घाटन गर्नुभयो । कार्यक्रममा जिल्ला खेलकुद विकास समितिका अध्यक्ष सुमन श्रेष्ठ, म्याग्दी बहुमुखी क्याम्पस स्वतन्त्र विद्यार्थी यूनियनका सभापति संगम चोखाल, लायन्स क्लव बेनी पिस सिटीका अध्यक्ष बिरेन्द्र श्रेष्ठ लगायतको उपस्थिती रहेको थियो ।

अस्पतालभित्र रहेको रक्तसंचार केन्द्रमा रगतको अभावकै कारण बिरामीको उपचारमा समस्या भएको जानकारी पाउँदा वित्तिकै रक्तदानका लागि दाताहरु तत्कालै पुग्ने गरेका छन् । म्याग्दीमा संकलन गरिएको रगत बागलुङ, पर्वत र कास्कीका बिरामीका लागि पठाउने गरिन्छ ।

पिस साइनकी सञ्चालिका प्रमिला जोशी श्रेष्ठले न्यूरोड र क्याम्पस चोकमा रहेको शाखाबाट कम लगानी, व्यवसायप्रतिको बढ्दो आकर्षण र बैदेशिक रोजगारीमा जाने यूवतीहरूलाई तालिमका साथै आर्थिक रुपमा विपन्नलाई निशुल्क तालिम दिने गरेको बताउनुभयो । सौन्दर्यको पक्ष पनि मानिसको एक गहना भएकाले बेरोजगार महिला तथा किशोरीहरुलाई सिप सिकाएर रोजगारको सिर्जना गरी आत्मनिर्भर बनाउने उद्देश्यसहित व्युटीपार्लर तालिम सेन्टर सहयोगी बनेको सञ्चालिका जोशीको भनाई छ ।

राष्ट्रिय स्वतन्त्र पार्टीको तेस्रो स्थापना दिवस म्याग्दीमा विशेष कार्यक्रमसहित मनाइएको छ। स्थापना दिवसको अवसरमा पार्टीको जिल्ला कार्यालय उद्घाटन गरिएको छ भने बिपद व्यवस्थापनलाई प्राथमिकता दिँदै यापिड एक्सन टोली लाई पूर्णता दिइएको छ ।

सोही अवसरमा जिल्ला सभापति यूवराज रोकाले म्याग्दीबाट पार्टीको सदस्यता दिनेको संख्याबाट निकै उत्साहित भएको बताउँदै जिल्लाका सबै ६ वटै स्थानीय तहको टोलबस्तीमा पुगेर पार्टीलाई बलियो बनाउने बताउनुभयो । पार्टीका एजेण्डालाई हरेकको घरदैलोमा पुग्ने गरी सक्रियतापुर्वक काम गर्ने अध्यक्ष रोकाको भनाई छ । स्थापना दिवसकै अवरमा बर्खाको समयमा उद्धार तथा विपद्जन्य गतिविधिमा सक्रिय हुन यापिड एक्सन टोलीलाई न्यूनतम आवश्यक सामग्रीहरू हस्तान्तरण गरिनुका साथै आगामी दिनमा हुने सम्भावित बिपदहरूलाई मध्यनजर गर्दै रणनीति तय गरिएको थियो।

कार्यक्रममा अतिथिका रूपमा प्रदेश महामन्त्री नवीन त्रिपाठी, सह–महामन्त्री कृष्णप्रसाद लम्साल तथा प्रदेश सचिवालय सदस्य अर्बिन तुलाचनको उपस्थिति रहेको थियो। स्थापना दिवसको समापनमा कालिपुलस्थित पक्की पुल परिसरको सरसफाइ गरी समाजप्रति सकारात्मक सन्देश प्रवाह गरिएको थियो। कार्यक्रममा बोल्दै नेताहरूले विपद् जोखिम न्युनिकरणमा च्ब्त् को सक्रियता र जनसहभागिता आवश्यक रहेको उपाध्यक्ष छवि आचार्यले बताउनुभयो । पार्टीले आगामी दिनहरूमा समेत विपद् व्यवस्थापन र समुदाय आधारित सचेतना अभिवृद्धि अभियानलाई प्राथमिकतामा राख्ने प्रतिबद्धता जनाएको छ।

नेकपा एमालेका युवा नेता प्रकाश पौडेलले बाढीपहिरो र डुबान पर्नेहरूको उद्धार र राहतका लागि ‘अभियान सहारा’ सुरु गरेका छन् ।

एमालेनिकट अनेरास्ववियुको राजनीतिबाट बिदा भएका उनले आफूलाई सामाजिक गतिविधिमा सक्रिय गराउन थालेका हुन् । 

देशभर मनसुनका कारण बाढी पहिरो जस्ता संकट आउन थालेपछी उनले युवाहरूलाई जोडेर उद्धार र राहत अभियानलाई प्रभावकारी बनाउने तयारी गरेका हुन् । 

‘म सम्पूर्ण अग्रज तथा साथीहरूलाई ‘अभियान सहारा’मा जोडिन हार्दिक अनुरोध गर्दछु,’ उनले भनेका छन्,’ुहामी रकम संकलन गर्ने वा वितरण गर्ने कामलाई प्राथमिकता दिँदैनौँ । हाम्रो उद्देश्य जोखिम र अप्ठ्यारोमा परेका दाजुभाइ तथा दिदीबहिनीहरूलाई प्रत्यक्ष सहयोगीहरूसँग जोड्ने हो।’

उनले आफूहरूको मुख्य काम भौतिक सहयोगमा केन्द्रित रहने बताएका छन् । सहभागीको अवस्था हेरेर यस अभियानलाई जिल्ला र स्थानीय तहसम्म अभियान सहारा विस्तार गरिने पनि पौडेलले बताएका छन् । 

उनले विपद्का बेला युवाहरूलाई एकीकृत रूपमा तलैसम्म परिचालन गरिने पनि बताएका छन् । ‘ुविपद्मा एकीकृत रूपमा युवाहरूलाई सम्भावित जोखिमयुक्त क्षेत्रमा परिचालन गर्ने हाम्रो योजना हो’, उनले भने, ‘हाम्रो प्राथमिकता चन्दा संकलन भन्दा जोखिममा परेकाहरूसम्म भौतिक रूपमै उपस्थित भएर राहत र उद्धार अभियान चलाउने हो ।’

पौडेलले आफूहरू आर्थिक संकलनमा नलागी पीडितहरूलाई भौतिक सहयोगसँगै स्थानीय सरकार र दाताहरूसँग सम्पर्क गराउन सक्रिय हुने बताए । पहिलो चरणमा यस अभियानमा कम्तीमा पनि ८ हजार युवाहरूले जोड्ने योजना रहेको उनले बताएका छन् । 

अनेरास्ववियुको कीर्तिपुरमा भएको महाधिवेशनबाट बिदा हुनुअघि पनि पौडेल सामाजिक काममै सक्रिय थिए । उनले यसअघि विभिन्न सामाजिक अभियान चलाइसकेका छन् ।

प्रदेश आयुर्वेद कार्यालय म्याग्दीको आयोजनामा ११ औं अन्तर्राष्ट्रिय योग दिवस बेनीमा मनाइएको छ । प्रदेश आयुर्वेद चिकित्सालय बेनीको आयोजना तथा नविन आनन्द योग केन्द्र नेपाल र म्याग्दी जेसीजको समन्वयमा आयोजित कार्यक्रममा प्रमुख जिल्ला अधिकारी गुरुदत्त ढकालले योगले सबैलाई परिवर्तन गर्छ र त्यसको सुरुआत आफूबाट गर्नु पर्नेमा जोड दिनुभयो ।

उहाँलो नेपाल ऋषीमुनीको क्षेत्र भएको हुनाले योग तथा ध्यानमा सबैले मन लगाउनु पर्ने बताउनुभयो । कार्यक्रम प्रदेश आयुर्वेद चिकित्सालय म्याग्दीका कार्यालय प्रमुख डा.कमलराज अधिकारीको अध्यक्षता, नविन आनन्द योग केन्द्रका अध्यक्ष सुरेन्द्रराज शर्माको स्वागत तथा म्याग्दी जेसीजका महासचिव देवेन्द्र घिमिरेको सञ्चालनमा सम्पन्न भएको थियो ।