साविक धौलागिरीभित्रको एक मात्रै आंज्ञिक क्याम्पस धवलागिरि बहुमुखी क्याम्पस बागलुङको स्वतन्त्र विद्यार्थी युनियन (स्ववियु)को निर्वाचनमा अनेरास्ववियुकी आस्मीन शेख सभापतिमा बिजयी भएकी छन ।
अखिल संयुक्त प्यानलको तर्फबाट सभापतिमा उम्मेदवार बनेकी शेख नेविसंघकी सृष्टि आचार्यलाई ६१ मतले पराजित गर्दै विजयी भएकी हुन् । शेखले ५५२ मत प्राप्त गरिन् भने आचार्यले ४९१ मत प्राप्त गरिन् । स्वतन्त्र उम्मेदवार दिपक सुवेदीले ७ मत प्राप्त गरे । उनले आफ्नो उम्मेदवारी फिर्ता गरेर आचार्यलाई सहयोग गर्ने घोषणा गरेका थिए ।
उनको जीतसंगै धवलागिरी क्याम्पसको स्ववियुले पहिलो महिला सभापति पाएको छ । उनले महिला सभापतिसहित नयाँ इतिहास रचेकी छिन् । स्नाकोत्तर अध्ययनरत शेख ‘हामी इतिहास पढने मात्र होइन, इतिहास बनाउने मान्छे पनि हो’ भन्ने नारासहित चुनावी मैदान थिइन् ।स्ववियुको सचिव र कोषाध्यक्षमा नेवि संघका सचिन हरिजन ५३४ मत र विशाल थापा ६५४ मत प्राप्त गरी विजयी भएका छन् । अखिल संयुक्त प्यानलका उम्मेदवार रुद्र वहादुर पुनले ५०९ र रेशा शर्माले ३८४ मत प्राप्त गरे ।
सदस्यहरुमा अखिल संयुक्त प्यानलको तर्फबाट विकल्प घर्ति मगर मात्रै विजयी भएका छन् । उनले ५६४ मत प्राप्त गरे । अन्य सवै सदस्यहरुमा नेवि संघका उम्मेदवार विजयी भए । नेवि संघका प्रशान्त सुवेदीले ६१२, दीपसागर सुवेदील्े ६११, सुदिप घर्तिले ५५८, सृष्टि घर्तिले ५४३, सुवासवावु घर्तिले ५२२, सेमन्त शर्माले ५१८ र शुभम राजभण्डारीले ४९६ मत प्राप्त गरी विजयी भएका छन् ।
हेर्नुहोस उम्मेदवारले प्राप्त गरेको पूर्ण मत विवरण:
दुर्गम क्षेत्रमा कार्यरत पत्रकारहरुको पेशागत क्षमता वृद्धि र जिल्लामा प्रेस पास वितरण तथा अनलाइन सञ्चारमाध्यम दर्ताका लागि शिविर सञ्चालन गरिएको थियो । कार्यक्रममा सूचना तथा प्रसारण विभागका निर्देशक पूर्णिमा उपाध्याय, जिल्ला हुलाक कार्यालय म्याग्दीका प्रमुख रमेश थापा, पत्रकार महासंघ म्याग्दीका संस्थापक अध्यक्ष घनश्याम खड्का र पत्रकार महासंघ पर्वतका अध्यक्ष लक्ष्मीप्रसाद सापकोटाको विशेष उपस्थिति रहेको थियो ।
