नेपाल विद्युत प्राधिकरणले भारतबाट शुक्रबार राती २० मेगावाट विद्युत आयात गरी राष्ट्रिय प्रसारण लाइनमा जोडेको छ। टनकपुर स्टेशनमार्फत् भारतबाट उक्त विजुली नेपाल ल्याइएको हो। अब बुटवलदेखि महेन्द्रनगरसम्मको क्षेत्रमा साताको ४० घन्टा लोडसेडिङ घटेर २५ घन्टा मात्र हुने जानकारी विद्युत प्राधिकरणको भार सम्प्रेषण विभागका निर्देशक शेरसिंह भाटले दिए।
सरकारको स्वामित्व रहेको नेपाल विद्युत प्राधिकरणले भारु ४।५० प्रति युनिटका दरले भारतसँग विजुली खरिद गरेको हो। जुन भारतको बजार मूल्य भन्दा निकै सस्तो हो। प्राधिकरणले यसअघि नै टनकपुरबाट थप २० मेगावाट विद्युत आयात गर्दै आएको छ ।
यसैवर्ष काठमाडौंमा भएको उर्जा सम्मेलनमा गरिएको सम्झौता अनुसार नेपालले शुक्रबारदेखि थप २० मेगावाट विजुली भारतबाट ल्याएको हो। सम्झौता अनुसार नेपालले भारतबाट कूल ६० मेगावाट विद्युत ल्याउनेछ। ४० मेगावाट विजुली पूर्वबाट नेपाल भित्र्याउने सम्झौता भए पनि कोशीले भत्काएका विजुलीका टावर मर्मतमा भइरहेको ढिलाइका कारण त्यो सम्भव हुन सकेको छैन। मर्मतमा भइरहेको ढिलाइले गर्दा विगतमा त्यहाँबाट नेपाल भित्रिरहेको ६० मेगावाट बिजुली समेत हाल आउन सकेको छैन।

म्याग्दी ७ मंसिर । पबित्र कालिगण्डकी नदीलाई प्रदुषणमुत्त
बनाउने र दुर्लभ शालीग्रामको संरक्षण गर्ने उद्देश्यले आयोजना गरिएको
श्रीकृष्णगण्डकी महोत्सव मा धार्मीक पर्यटकहरुको ओईरो लागेको छ ।
शुक्रबारदेखि म्याग्दीले गलेश्वरमा स्ाुरु भएको महोत्सवमा सहभागी हुन
काठमाडौ पोखरा चितवन लगायत स्थान र भारतबाट समेत संयौको संख्यामा धार्मीक
पर्यटकहरु आएको महोत्सव आयोजक समितीका संयोजक नेत्र महतले जानकारी दिनुभयो
।

अखण्डज्योतिबाबा स्वामीश्रीजी च्यारिटेबल ट्रस्टको आयोजनामा सुरु भएको सात दिन सम्म संचालन हुने जनाईएको छ ।
महोत्वस अबधिभर कालिगण्डकीको सररफाई र विश्मै दुर्लभ मानिएको शालीग्रामको
संरक्षण सम्बन्धि जनचेतानामुलक धार्मीक प्रवचन हुने आयोजकले जनाएका छन् ।
सन्तोष गौतम