अभिनेत्री दीया पुनले शुक्रबार बिहान सर्वोच्च शिखर सगरमाथा आरोहण गरेकी छन् । म्याग्दीको अन्नपूर्ण गाउँपालिका–५, शिख घर भएकी नेपाली चलचित्रकी नायिका दिया पुनले विश्व किर्तिमानधारी निर्मल पूर्जाको एलिट एक्सपिडिसन आरोही दलमार्फत उनी सगरमाथा शिखरमा पुगेकी हुन् ।
निर्मल र दीयासहित २० जनाको आरोही दल बिहान ८,८४८.८६ मिटर उचाइको सगरमाथा चढेको हो । सबैजना चुचुरोबाट अहिले साउथ पोलमा सुरक्षित र न्यानो भएर फर्किएको टोलीले जनाएको छ । यस अघि उनले नेपालको मनास्लु र अर्जेटिनाको अकोनकागुवा हिमाल आरोहण गरिसकेकी छिन् । चार जना शेर्पाले अक्सिजनको सहायताबिनै चुचुरो चुमेका थिए ।
आफ्नै ४२ लाख रुपैयाँ खर्चमा दीयाले तीन च्यारिटी उद्देश्यले सगरमाथा चढेकी हुन् । जसमा बेलायतको राष्ट्रिय स्वास्थ्य सेवा (एनएचएस टुगेदर), कोलचेस्टर अस्पताल र नेपालमा रहेको चिल्ड्रेन एण्ड युथ फर्स्ट रहेका छन् । दीया सगरमाथा चढ्ने दोस्रो नेपाली अभिनेत्री बनेकी छन् । दीयाले नेपाली चलचित्रहरू ‘वीर विक्रम’, ‘ह्याप्पी डेज’, ‘मिस्टर झोले’, ‘दया रानी’ र ‘मन्त्र’मा अभिनय गरिसकेकी छिन्।
म्याग्दीको बेनी नगरपालिका–३, मुसुङ गाउँमा लगाईएको सामुहिक आलुखेती । आलुको पकेट क्षेत्र मानिने भकिम्लीको यो बस्तीमा रासायनिक मल र कुनै किीटनाशक औषधीको प्रयोगलाई स्थानीयले निरुत्साहित गदैं उन्नत आलु उत्पादन गर्ने गरेका छन् । रासायनिक मल र कीटनाशक औषधीको प्रयोगलाई स्थानीयले कम गरेपछि स्वादिलो आलुका लागि मुसुङ प्रख्यात छ । तस्वीर हरिकृष्ण गौतम