भौतिक संरचनाको अभावमा भाडा तिरेर सेवा दिइरहेको नेत्र ज्योति संघ बेनीलाई एक दम्पत्तीले करिब साढे २ करोड बराबरको निःशुल्क जग्गा प्रदान गरेका छन् ।

पश्चिम म्याग्दीको मालिका गाउँपालिका–६ दिच्याम घर भई हाल पोखरामा बस्ने समाजसेवी मुक्ती रोका र श्रीमति याम माया रोकाले नेत्र ज्योति संघ बेनीलाई बेनीबजारस्थित कालिपुलको कित्ता नम्वर १००७ को ७ आना १ पैसा ३ दाम क्षेत्रफलको जग्गा हस्तान्तरण गरेका हुन् ।

सो जग्गाको हालको मूल्य २ करोड ५० लाख रहेको छ । शुक्रबार बेनीमा आयोजित कार्यक्रममा रोका दम्पतिले संघका सभापति अमर बानियाँलाई सो जग्गाको लालपूर्जा हस्तान्तरण गरे । हाल क्याम्पसचोकमा भाडाको कार्यालयबाट सेवा प्रदान गरिरहेको नेत्र ज्योति संघलाई आफ्नै भवन निर्माणका लागि सहज भएको छ ।

जग्गादाता रोकाले २०६६ सालमा आफैले नेतृत्व गरेर हिमालयन आँखा अस्पताल संग समन्वय गरि बेनीको रेडक्रस भवनमा आँखा उपचार केन्द्र संचालनमा ल्याएको विगत स्मरण गरेका थिए । ‘बेनीमा आँखा उपचार केन्द्र संचालनको अनुमति लिनका लागि म पोखरा, काठमाडौँ लगायत देशका विभिन्न ठुला आँखा उपचार केन्द्रहरुमा पुगेँ, अन्तत लामो मेहनत पछि हिमालय आँखा अस्पतालको अनुमतिमा बेनीको रेडक्रस भवनबाट आँखा उपचार केन्द्र सुरु गरियो, त्यतिबेला म रेडक्रसको सभापति समेत थिएँ’ रोकाले भने ।

उनले कलिलै उमेरदेखि समाजसेवामा सक्रिय रहेको बताउँदै रोकाले नेत्र ज्योति संघलाई जग्गा सहयोग गर्न पाउँदा समाजसेवाको सवै भन्दा ठुलो सपना पुरा भएको बताए ।

जग्गामा भवन निर्माण गर्ने योजना अघि सारि आर्थिक संकलनको अभियान संचालन गर्न समेत संघलाई आग्रह गरे । भवन निर्माणका लागि आफ्नो परिवारबाट सक्दो आर्थिक सहयोग हुने बताए । उनले अव आँखाका जटिल समस्या पनि जिल्लामै उपचार हुने गरी भौतिक संरचना र जनशक्ती ब्यवस्थापन गर्न समेत अनुरोध गरे ।

जग्गाको लालपूर्जा ग्रहण गर्दै संघका अध्यक्ष बानियाँले जग्गादाता रोका परिवारलाई आभार प्रकट गर्नुभएको थियो । साथै संघले रोका परिवारलाई फुलमालाले सम्मान समेत गरेका थिए ।

कार्यक्रममा नेपाल पत्रकार महासंघ म्याग्दी शाखाका अध्यक्ष प्रकाश पौडेल, जिल्ला समन्वय समितिकी उपप्रमुख दिलकुमारी खत्रीले समाजसेवामा रोकाको भूमिका महत्वपूर्ण भएको बताएका थिए । संघका उपसभापति राजेन्द्र श्रेष्ठ, मालपोत अधिकृत साधनाकुमारी श्रेष्ठ, बेनपा ६ का वडा अध्यक्ष, समाजसेवी सुवासकुमार श्रेष्ठ लगायत विभिन्न संघसंस्थाका प्रतिनिधिहरुको समेत उपस्थिती रहेको थियो ।

समाजसेवी रोका दम्पत्तीले बेनीबजारको प्रवेशद्धार पर्ने कालिपुलमा जग्गा उपलब्ध गराएपछि नेत्रज्योती संघले स्थानीय तह, प्रदेश र संघीय सरकारबाट बजेट माग गरी आधुनिक भवन सहित गुणस्तरीय सेवा सञ्चालन गर्ने जनाएको छ ।

म्याग्दीको बेनी नगरपालिका-७,अग्नीखेतमा आगन चर्किएको ब्लक र जस्ताले छाएको साँघुरो र चिसो कोठाको भित्तामा सुसान र सपना किसानको रंगीन फोटो छ । श्रीमन र छोरासँगको तस्वीरमा रहेकी भित्तामा सजिएकी सपना अब भौतिकरुपमा परिवारसँग कहिल्यै सँगै हुने छैनिन् । कोठाको भित्तो रंगीन भएपनि परिवारको खुसी उडेको छ ।

ब्रेन ट्युमरको उपचारको क्रममा सपनाको मृत्यु भएपछि परिवारको बिचल्ली भएको छ । आँखा अझै ओभाएका छैनन्, श्रीमतिका बारेमा बोल्दा आँखामा टिलपिल आँसु भरिन्छ ।ज्यालामजदुरी गरी घरखर्च चलाउँदै आएका सुसानले ९ महिनाको छोरी र २ बर्षको छोरालाई हुर्काउन धौ-धौ परेको छ ।

विहानै ज्यालामजदुरीका लागि श्रीमतिसँगै निस्कने गरेका सुसानले अहिले छोराछोरीको रेखदेख गर्नुपर्ने भएपछिघरखर्च चलाउन समेत मुस्किल छ।तीन महिनाअगाडी अचानक टाउको दुख्न थालेपछि उपचारको क्रममा क्यान्सरको अन्तिम स्टेजमा पुगेको चिकित्सकले बताएसँगै उपचारका लागि भरतपुर पुर्याएका सुसानले श्रीमतिको उपचारमा झण्डै ४ लाख खर्च गरे ।

श्रीमतिलाई गुमाएका सुसानसँग ९ महिनाको छोरीलाई दुध खुवाउने पैसा समेत छैन ।‘छोराछोरीको भविष्यबारे धेरै चिन्ता लाग्छ, दुध र बिरामी हुदाँ उपचार गर्ने पैसा समेत छैन’ सुसानले भने । श्रीमानीसँगै मजदुरी गरेर जीविका चलाइरहेकोमा अव मानसिक तनाबसँग शिक्षादिक्षा, पालनपोषण, घरखर्च चलाउने चिन्ताले पिरोलिरहेको सुसानको भनाई छ ।

‘छोराछोरी कसरी हुर्काउने भन्ने चिन्ता छ,श्रीमतिको तस्वीर हेर्दा रुन मात्र मन लाग्छ’ सुसानले भने ।सपनालाई गुमाएपछि दुईबर्षको छोरा र ९ महिनाकी छोरीले बेला-बेलामा आमालाई खोज्दा उनी भकान्छिन् । दुई सन्तानलाई पालनपोषण, स्याहारसुसार, हेरचाहको चिन्ताले सताइरहेको छ ।

‘मैले काम नगरी यिनीहरूलाई पेटभरी खुवाउँन पाउँदैन,‘काम गर्न जाने अवस्था पनि अहिले छैन, आमालाई नदेखेपछि छोराले साथ नै छोडैन’ सुसानले भने । श्रीमतिले मृत्यु हुदाँको अन्तिम समयमा पनि छोराछोरीको चिन्ता गरेको उनले बताए ।तत्काल सहयोगको आवश्यकता रहेपनि छोराछोरीलाई मजदुरी गरेरै पाल्ने उनको भनाई छ ।

४ भाइ छुट्टिएरका छन् । सबै ज्यालामजदुरी गरी घर खर्च चलाउने भएकाले तत्काल कलिला बालबालिकालाई सहयोग आवश्यक रहेको स्थानीय हरि शाक्यले बताए ।

‘हातमुख जोड्न पनि धौ–धौ हुन्छ,‘आमाको मृत्युपछि कलिला बालबालिकाको बिचल्ली भएको छ, उनीहरुलाई सहयोगको आवश्यकता छ’ शाक्यले भने । बेनी नगरपालिका–७ वडाले मृतकको अन्त्येष्टीका लागि आवश्यक दाउरा तथा सहयोग समेत गरेको छ ।

वडा अध्यक्ष एवम् बेनी नगरपालिकाका प्रबक्ता रमेशकुमार श्रेष्ठले वडाबाट र सहयोग जुटाएर तत्काल राहत हस्तान्तरण गरिएको बताए । उनले मातृत्व प्रदान गरिरहेकी आमाको मृत्युपछिको अवस्थामा कलिला बालबालिकालाई नियमित पोषण सहितको सुविधाका लागि सहयोग आवश्यक रहेको बताए ।

‘हामीले सक्ने सहयोग गछौ,‘सबैको सानोसानो सहयोगले बालबालिकालाई हुर्काउन सजिलो हुन्छ’ अध्यक्ष श्रेष्ठले भने ।जन्मदिने आमासँग हुन नपाउँदाको पीडालाई महसुस हुन नदिने गरी सहयोगको आवश्यकता रहेको बताए । उनले ब्रेन ट्युमरका कारण छोराछोरीको स्वास्थ्य समेत परीक्षणका लागि लैजान आवश्यक सहयोग गरिने बताए ।

थप जानकारीका र सहयोगका लागि वडा अध्यक्ष रमेशकुमार श्रेष्ठ ९८५७६४७०६७