गरिमा विकास बैंक बुर्तिबाङ शाखाले ढोरपाटन नगरपालिका वडा नं १ मा अवस्थित उत्तरगंगा माविमा अध्यनरत विद्याथीहरुलाई वित्तिय साक्षरता कार्यक्रम सञ्चालन गरेको छ। विद्यालयमा रहेका बालबालिकालाई बचत गर्ने बानीको विकास गर्ने उदेश्यले आयोजित कार्यक्रममा जनप्रतिनिधि, ब्यवस्थापन समिति, शिक्षक, विद्यार्थी र अभिभावकको उपस्थिती रहेको थियो ।
धौलागिरी भित्र रहेका शाखामार्फत वित्तिय सचेतना कार्यक्रमलाई तिब्रता दिएको बैंकले सोही अवसरमा जेहेन्दार विद्यार्थीहरुलाई स्टेसनरी सामाग्रीहरु हस्तान्तरण समेत गरेको शाखा प्रबन्ध जित बहादुर गर्बुजाले बताउनुभयो । बैंकका क्षेत्रीय म्यानेजर कमलप्रसाद ढुंगानाले वित्तिय कारोबारसँगै सामाजिक उत्तरदाहित्वका साथै विभिन्न सहयोगमार्फत समुदायमा पुग्ने गरेको बताउनुभयो ।
विद्यालयमा रहेका बालबालिकालाई वित्तिउ सचेतनामार्फत समुदायमा फैलाउने उदेश्यले शाखा रहेका क्षेत्रमा पुगेर ज्ञान आदानप्रदान गर्ने गरिएको क्षत्रीय प्रमुख ढुंगानाको भनाई छ । करिब १ सय जनाको सहभागिता रहेको कार्यक्रममा क्षेत्रीय म्यानेजर ढुंगानाले विद्यार्थी र अभिभावकलाई खाता खोल्ने तरिका, बचतका फाइदा, वित्तीय सेवासुविधा, डिजिटल सेवा लगायत विभिन्न विषयमा जानकारी गराउनुभएको थियो ।
कार्यक्रममा वडा अध्यक्ष बान बहादुर छन्त्याल, विद्यालयका प्रअ इश्वरीप्रसाद पौडेल लगायतको उपस्थिती रहेको थियो । गरिमा विकास बैंकले म्याग्दी, बागलुङ र पर्वतका ८ शाखा हेर्ने गरी म्याग्दीको सदरमुकाम बेनीबजारमा क्षेत्रीय कार्यालय स्थापना गरेपछि अहिले शाखामार्फत समुदायस्तरका कार्यक्रमहरुलाई तिब्रता दिइएको छ ।
धौलागिरीभित्र म्याग्दीमा बेनीबजार, पश्चिम म्याग्दीको बावियाचौर, दरबाङ, उत्तरी म्याग्दीको पोखरेबगर, बागलुङ जिल्लाको सदरमुकाम बागलुङ, बुर्तिवाङ, पर्वत जिल्लाको सदरमुकाम कुस्मा र फलेबासमा शाखा रहेको छ । विकास बैंकमध्ये ‘नम्बर वान’ बैंक बन्ने गतिका साथ अगाडी बढिरहेको बैंकले प्रविधिको विकास र विस्तारलाई उच्च प्राथमिकतामा राखेको छ।
म्याग्दीको बेनी नगरपालिका–४,प्राकृतिक उपचार केन्द्र तातोपानीमा स्नान गर्न आउने बिरामीलाई केरा बेच्दै नन्दकुमारी किसान । तातोपानी कुण्डमा स्नान गर्न जाने र अवलोकन भ्रमणमा जानेहरुलाई केरा बेचेर नन्दकुमारीले उपचार र घरायसी खर्च चलाउनुहुन्छ । तस्वीर बेनीअनलाइन
प्राकृतिक चिकित्सालयको रुपमा ख्याती कमाएको म्याग्दीको बेनी नगरपालिका–४, तातोपानी कुण्डमा स्नान गरेपछि धारामा नुहाउँदै बिरामी । जमिन मूनिबाट ५३ डिग्री सेल्सियससम्मको तापक्रममा बिरेनुनको स्वादसहित निस्कने तातोपानीको कुण्डमा डुबुल्की मारेपछि ग्यास्ट्रिक, बाथरोग, गानोगोला, युरिकएसिड, हार्डजोर्नी दुख्ने, हड्डीको दुखाई, सड्केको, मर्किएको, बज्रिएकोसहित चिसोका कारणबाट उत्पन्न सबै प्रकारका रोगहरु निको हुने जनविश्वास रहेको पाइन्छ । अहिले तातोपानी कुण्डमा दैनिक करिब ४ सयदेखि ५ सय जनासम्म बिरामी, सर्वसाधारण तथा पर्यटकहरुले नियमित रुपमा नुहाउने गरेका छन्। तस्वीर बेनीअनलाइन
उहाँले महिलाहरुलाई सक्षम र सबल बनाउन गाउँपालिकाको तर्फदेखि विभिन्न कार्यक्रमहरु सञ्चालन गर्ने गरिएको जानकारी दिनुभयो । कार्यक्रममा सहभागी महिलाहरुले नृत्य प्रस्तुत गरेका थिए ।
