आदरणीय सबैमा,
नेपालबाट एउटा हृदयविदारक र गहिरो चिन्ताजनक खबर प्राप्त भएको छस मेरा कान्छो भाइ निर्मल (निम्स ) पुर्जा पाकिस्तानको ब्रोद पिकमा गएको हिउँपहिरोमा परी बेपत्ता भएका १० जना व्यक्तिको सूचीमा परेका छन्।म मेरा भाइ र अभियान दलका प्रत्येक सदस्यको सकुशल उद्धारका लागि आफ्नो, सम्पूर्ण हृदयले प्रार्थना गरिरहेको छु।
मलाई प्राप्त जानकारी अनुसार, गत बिहीबार उच्च हिमाली क्षेत्रको माथिल्लो मार्गमा आएको ठूलो हिउँपहिरोले विश्वविख्यात पर्वतारोही मेरा भाइ निर्मल ूनिम्सू पुर्जाको नेतृत्वमा रहेको १० सदस्यीय अन्तर्राष्ट्रिय टोलीसँगको सबै सम्पर्कविच्छेद गराएपछि, हाल पाकिस्तानको ब्रोद पिक ९८,०४७ मिटर० मा व्यापक खोजी तथा उद्धार अभियान जारी छ।
बेपत्ता भएको भनिएको उक्त टोलीमा पाँच जना नेपाली आरोहीहरू, स्थानीय गाइड सोहेल साखी ९क्यजबष् िक्बपजष्० तथा संयुक्त राज्य अमेरिका, ओमान र चीनका अन्तर्राष्ट्रिय आरोहीहरू रहेका छन्। पाकिस्तानी सेनाका जवानहरू र अभियान सञ्चालकहरूले आपतकालीन हेलिकप्टर खोजी तथा उद्धार कार्यको समन्वय गरिरहेका छन्।
यो अत्यन्तै कठिन समयमा, म सबैलाई उहाँहरूलाई आफ्नो सोच र प्रार्थनामा राखिदिनुहुन नम्र अनुरोध गर्दछु। म प्रार्थना गर्छु कि भगवानले उहाँहरूको रक्षा गरून्, उहाँहरूलाई सुरक्षित राखून्, उद्धार टोलीहरूलाई शक्ति प्रदान गरून् र उहाँहरू प्रत्येकलाई सकुशल घर फर्काउन्। बेपत्ता भएका सबैजना फेला नपरेसम्म र सुरक्षित रूपमा नल्याइएसम्म सम्भव भएसम्मका सम्पूर्ण प्रयासहरू जारी राख्न म उद्धार टोलीहरू समक्ष हार्दिक अपिल गर्दछु।
यो पीडादायी समयमा जसले आफ्नो प्रार्थना, सहयोग, प्रोत्साहन र सद्भाव व्यक्त गर्नुभएको छ, उहाँहरू सबैप्रति म मेरा हार्दिक धन्यवाद ज्ञापन गर्दछु। तपाईँहरूको यो सहानुभूतिले शब्दमा व्यक्त गर्न नसकिने किसिमको अर्थ राख्छ।
कृपया यस घटनामा संलग्न सबैको सुरक्षा र कल्याणका लागि प्रार्थना गरिबस्नुहोला। भगवानले सबैको रक्षा गरून् र उद्धार कार्यलाई सुरक्षित तथा सफल बनाइदिऊन्।
भवदीय,
कमलबहादुर पुर्जा
युनाइटेड किंगडम (बेलायत)
