म्याग्दीमा पाँच बर्षपछि आयोजना गरिएको नापतौल दर्ता र नवीकरणमा साढे २ सयभन्दा बढी ब्यवसायी लाभान्वित भएका छन् । म्याग्दी उद्योग वाणिज्य संघको समन्वयमा नापतौल तथा गुणस्तर विभागको पोखरास्थित कार्यालयले सदरमुकाम बेनी र गलेश्वर बजारमा आयोजित नाप तौल परीक्षण शिविरमा नयाँ २२ जना र पूराना २ सय ५० ब्यवसायीले नविकरण गरिएको हो । शिविर आइतबारदेखि मंगलबारसम्म सञ्चालन गरिएको थियो ।

शिविरमा मिटर, लिटर र ढक तराजुजस्ता यन्त्र मापदण्डअनुसार भए÷नभएको चेकजाँच गर्दै कम तौल भएका यन्त्र मिलाउने, दर्ता र नवीकरण नभएकाको नवीकरण गर्ने र यसअघि नै प्रयोगमा ल्याइए पनि दर्ता नभएका यन्त्र नयाँ दर्ता गरिएको म्याग्दी उद्योग वाणिज्य संघ म्याग्दीका अध्यक्ष सुविन श्रेष्ठले बताउनुभयो ।

‘हरेक दुई बर्षमा शिविर बस्नुपर्नेमा कोरोनाका कारण रोकिएको थियो, शिविरमा ल्याइएका अधिकास यन्त्रहरु ठिक अवस्थामा देखियो’ अध्यक्ष श्रेष्ठले भन्नुभयो।  नेपाल सरकारको नियमाअनुसार नापतौलका यन्त्र प्रयोग गर्ने सबै व्यवसायीले अनिवार्य रुपमा नापतौलका यन्त्रहरु चेक गर्नुपर्ने भएकाले आगामी दिनमा नियमित हुने संघका महासचिव नारायण जिसीले बताउनुभयो ।

शिविरमा गुणस्तर तथा नापतौल कार्यालय पोखराबाट आउनुभएका युवराज अधिकारी सहितको टोलीले सेवाग्राही र ब्यवसायीको इमान्दारिताका लागि समेत नापतौल दर्ता र नवीकरण कार्य समयमै गर्नुपर्ने बताउनुभएको थियो । म्याग्दी उद्योग वाणिज्य संघले अनुगमन तथा यन्त्र उपकरणहरुका बारेमा ब्यवसायीलाई कुनै समस्या भएमा वा बिग्रिएमा समेत अन्य समयमा समेत सहजीकरण गर्ने गरेको छ।

म्याग्दीको मंगला गाउँपालिका-१, कुहुँमा महिलालाई बोल्ने बानीको विकास गर्न तीन दिने उद्घोषण, भाषणकला तथा नेतृत्व विकास तालिम सुरू भएको छ । मालिका सामुदायिक सिकाई केन्द्रको आयोजना तथा मंगला गाउँपालिकाको सहयोगमा बिहिबारदेखि सुरू भएको तालिमको मंगला गाउँपालिकाका प्रबक्ता एवम् वडा अध्यक्ष एकजित रोकाले उद्घाटन गदैं संस्थागत तथा दैनिक जीवन सञ्चालनका लागि क्षमता विकासका कार्यक्रम आवश्यकता रहेको बताउनुभयो ।

वडा अध्यक्ष रोकाले व्यक्तित्व विकास सबैभन्दा ठूलो सम्पत्ति भएकाले निर्धक्कसँग आफ्नो कुरा राख्न सक्ने हुनु ठूलो उपलब्धी हुने बताउनुभयो । सोही अवसरमा दिपशिखा माविका प्रधानाध्यापक डा. नन्दबहादुर खत्रीले ग्रामिण क्षेत्रमा अझैपनि बोल्ने कलाको विकास हुन नसक्दा महिलाहरूलाई अवसरबाट बन्चित गराउने गरिएको बताउँदै तालिममा सिकेका ज्ञान,सिपलाई व्यवहारमा उतार्नुपर्ने बताउनुभयो ।

मंगला–१ कुहुँ, पूर्णगाउँ, थाईवाङ, पौयूपाँटा लगायतका बस्तीबाट २५ जना महिलाको सहभागिता रहेको तालिमको अध्यक्ष सिकाई केन्द्रकी अध्यक्ष गौमती रोकाले गाउँघरमा अहिले पनि बोल्ने कलाको अभ्यास नहुदाँ महिलाहरूलाई विभिन्न संघसंस्थामा नेतृत्व गर्ने अवसरबाट बन्चित गराउने गरिएकाले तालिम सञ्चालन गरिएको बताउनुभयो ।

तालिमको उद्घाटन सत्रमा अध्यक्षता रोका, स्वागत सदस्य नरदेबी रोका र सञ्चालन सहजकर्ता रमिला पाइजाले गर्नुभएको थियो। तालिमको प्रशिक्षण नेपाल पत्रकार महासंघका उपाध्यक्ष हरिकृष्ण गौतम, कोषाध्यक्ष अमित विश्वकर्माले गर्नुभएको छ ।तालिममा उद्घोषण, भाषणकला,नेतृत्व विकास अन्तरगत सैद्धान्तिक तथा व्यावहारिक ज्ञान र सिप, र भाषण कला, माइन्यूट लेखनका साथै प्रयोगात्मक अभ्यास समेत गरिएको थियो ।

जिल्लाको मालिका गाउँपालिका–६ दरवाङको उपल्लो बजारको बाटो १८ वर्षपछि कालोपत्र भएको छ। पूर्वाधार विकास कार्यालयले उपल्लो दरवाङको जनप्रिय माविको भवनदेखि बेनी–दरवाङ सडकमा जोडिने उपल्लो दरवाङ बजारको भित्रि सडक कालोपत्र गरेको हो।

उपल्लो दरवाङका बासिन्दा हीराबहादुर पुनले करिब दुई दशकअघि खुलेको उपल्लो दरवाङको सडक कालोपत्र भएपछि हिलो र धुलोबाट मुक्ति मिलेको बताए। ‘बर्खामा हिलो र हिउँदमा धुलोले सताएको थियो’, उनले भने, ‘सडक कालोपत्र भएपछि स्थानीयवासीलाई सहज भएको छ।’

तीव्ररुपमा बस्ती विकास भइरहेको उपल्लो दरवाङमा २०६३ मा स्थानीयवासी र तत्कालीन गाविसको बजेटबाट सडक खोलिएको थियो। यहाँ एक सय घर छन्। उपल्लो दरवाङको सडक कालोपत्र गर्न गण्डकी प्रदेश सरकारको भौतिक पूर्वाधार विकास तथा यातायात व्यवस्थापन मन्त्रालयले चालु आर्थिक वर्ष २०८०÷०८१ मा रु ६५ लाख बजेट विनियोजन भएको थियो।

गत पुसमा रु ५८ लाखमा ठेक्का सम्झौता गरेको सक्षम निर्माण सेवाले दुई सय ५० मिटर दूरीमा प्रिमिक्स प्रविधिको कालोपत्र र एक सय मिटरमा पक्की नाली निर्माण गरिसकेको पूर्वाधार विकास कार्यालय म्याग्दीका सव इञ्जिनियर रविन चोखालले बताए।

मालिका गाउँपालिकाले सो सडकमा यसअघि करिब चार सय मिटर पक्की नाली निर्माण गरेको थियो। यसअघि गाउँपालिकाको कार्यालयदेखि वडा कार्यालय र उपल्लो दरवाङ जोड्ने सडक ढलान गरिएको थियो। रासस

म्याग्दीको बेनी नगरपालिकामा राजनीतिक दलमा आबद्ध रहेका शिक्षक र कर्मचारीले राजनीतिक दल त्याग्नुपर्ने भएको छ । शिक्षा मन्त्रालयको निर्देशन तथा ऐनको कार्यान्वयन गदैं राजनीतिक दलको कार्यकारी तथा सदस्यता लिएका शिक्षकहरूले दलबाट राजीनामा दिएको १५ दिनभित्र नगरपालिकालाई जानकारी दिनुपर्ने निर्णय गरेको छ।

नगर प्रमुख सुरत केसीको अध्यक्षतामा बसेको बैठकले जिल्लामा क्रियाशिल राजनीतिक दललाई दलीय आबद्धता भएका शिक्षक तथा कर्मचारीहरूलाई अलग गर्न पत्रचार समेत गरिने भएको छ ।

सामुदायिक विद्यालयका शिक्षक तथा कर्मचारीहरू दलीय राजनीतिमा सक्रिय हुने गरेको गुनासो बढ्न थालेपछि मन्त्रालयबाट समेत परिपत्र गरिएको थियो ।

यसैबीच नगरपालिकामा कार्यरत जनप्रतिनिधि,कर्मचारी तथा शिक्षकले आफ्ना छोराछोरी सामुदायिक विद्यालयमा पढाउनुपर्ने नियम बनेको छ ।

नगरकार्यपालिकाको बैशाख १८ गते बसेको कार्यपालिकाको बैठकले बैशाख १२ गते गरेको शिक्षा समितिको बैठकका निर्णयहरु अनुमोदन गदैं जनप्रतिनिधि, कर्मचारी र सामुदायक विद्यालयमा अध्यापनरत शिक्षक र कर्मचारीले सामुदायिक विद्यालयलाई नै रोज्नुपर्ने नियम बनाएको हो ।

उक्त नियम अनुसार उपमेयर, वडाका जनप्रतिनिधिहरुले सामुदायिक विद्यालयमा विद्यार्थी भर्ना गरेका छन् । “सामुदायिक विद्यालयको शैक्षिक गुणस्तर सुधार्नका लागि शिक्षक सरुवा सहितका थप सुधारका योजनाहरु समेत बनाइएको छ’ सामाजिक विकास समितिका संयोजक चक्र केसीले भने ।

नगरप्रमुख सुरत केसीले सामुदायिक विद्यालयको लगानीलाई गुणस्तरीय बनाउने र सबै विद्यालयको विद्यमान विद्यार्थी, शिक्षक, कर्मचारीको संख्या सहितको विवरण समेत संकलन गर्ने गरी अनुगमनलाई तिब्रता दिन निर्देशन दिएका छन् ।

नगरपालिकाले सामुदायिक विद्यालयका प्रअ, शिक्षकलाई पालिकाभित्रका विद्यालयमा सरुवा सहित कम विद्यार्थी भएका विद्यालय मर्ज सहितको तयारीका लागि कार्यविधिका लागी समेत उपसमिति बनाएको छ ।सामुदायिक विद्यालयमा गुणस्तरिय शिक्षा भनेर राज्यको ठुलो लगानी भएअनुसार विद्यार्थी नहुदाँ शिक्षक दरबन्दी मिलान गर्नुपर्ने नगरपालिकाले जनाएको छ।

यसैबीच बेनी नगरपालिका वडा नं ८ मा अवस्थित बालमन्दिर माविलाई कक्षा १० सञ्चालनको अनुमति दिने, बेनपा–७ मा रहेको प्रकाश माविको कक्षा ११ र १२ मा कम्प्यूटर विज्ञान थप गर्ने, बेनपा–२ बगरफाँटमा अवस्थित सरस्वती आधारभुत विद्यालयलाई कक्षा ८ को अनुमति दिने निर्णय समेत भएको छ ।

नेपाल रेडक्रस सोसाइटी म्याग्दी शाखाले ट्राफिक प्रहरीलाई मास्क सहयोग गरेको छ । विश्व रेडक्रस दिवसको अवसरमा बुधबार बेनीमा आयोजित कार्यक्रममा जिल्ला ट्राफिक प्रहरी कार्यालयलाई २५ हजार थान मास्क उपलब्ध गराइएको हो । रेडक्रसका शाखा सभापति अमर बानियाले जिल्ला ट्राफिक प्रहरी प्रमुख राजकुमार केसीलाई मास्क हस्तान्तरण गरेका थिए।

स्थापना दिवसको अवसरमा बेनीमा प्रभातफेरी गरिएको थियो । रेडक्रसको भवनबाट शुरु भएको ¥याली बेनी बजार परिक्रमा गरेर जिल्ला प्रशासन कार्यालय अगाडीको बिरेन्द्र चोकमा पुगेर समापन गरिएको थियो । शाखा सभापति बानियाले रेडक्रसले मानवीय सेवा र विपद् व्यवस्थापनका क्षेत्रमा गर्दै आएको कामलाई निरन्तरता दिने प्रतिवद्धता जनाए ।

सन् १८६३ मा विश्वमा रेडक्रस अभियानको सूत्रपात गर्ने रेडक्रस अभियानका संस्थापक जँ हेनरी ड्युनाको जन्मदिनको अवसर पारेर हरेक वर्ष आजकै दिन रेडक्रस दिवस मनाइन्छ । यस वर्षको विश्व रेडक्रस दिवसको नारा ‘मानवतालाई जीवित राखौँ’ भन्ने रहेको छ ।

अनिश्चित, ध्रुवीकृत, द्वन्द्व र विभेदको चपेटामा परेको संसारमा निःस्वार्थ सेवाभाव राखी मानवीय पीडा कम गर्न अहोरात्र खटिने स्वयंसेवकहरूले पु¥याउने सेवामार्फत मानवताको दियो जगाइराख्न आवश्यक छ’ भन्ने सन्देश दिन खोजेको छ । रेडक्रस अभियान विश्वको सबैभन्दा ठूलो मानवीय सञ्जाल भएको अन्तर्राष्ट्रिय परोपकारी संस्था हो ।