Site icon BeniOnline.com.np जिल्लाका ताजा अनलाइन समाचार

कोरोनाबाट मृत्यु भएका शिशु जन्मिएको भोलिपल्टै बेनी अस्पतालबाट रिफर

कोरोना भाइरस सङ्क्रमणको कारण ४९ दिनमा मृत्यु भएका शिशु जन्मिएको दोस्रो दिनमै बेनी अस्पतलाबाट रिफर गरिएको देखिएको छ ।

त्रिभुवन विश्वविद्यालय शिक्षण अस्पतालमा उपचारको क्रममा धवलागिरी गाउँपालिका-५ मल्कवाङ भेरीखाल्टा
पुख्यौली घर भएकी सिमा पुनले बेनी अस्पतालमा बैशाख ३१ गते जन्मदिएपछि शिशुको शारीरिक समस्याले थप उपचारका लागि भोलिपल्टै मणिपाल अस्पताल पोखरामा रिफर गरिएको थियो ।

छिमेकी जलजला गाउँपालिका–४ घर भई लामाखेतमा बस्दै आएकी सुत्केरी पुनसँगै शिशुलाई मणिपाल अस्पतालमा जेठ ८ गते थप उपचारका लागि काठमाण्डौ पठाइएको थियो ।  शिशु जन्मिदाँ ज्वरो थिएन्,‘आन्तरिक समस्या देखेर पोखरा रिफर गरिएको हो’ बेनी अस्पतालका क्लिनिकल कोअर्डिनेटर डा. नवराज बस्ताकोटीले बेनीअनलाइनलाई भने ।

शिशु जन्मिएको मितिमा म्याग्दीमा कुनैपनि कोरोना संक्रमति थिएनन् । लामो समय आइसियूमा राखिएको शिशुमा कोरोना संक्रमण काठमाण्डौमा भएको अनुमान गरिएको छ । पुख्यौली घर म्याग्दी भएपनि कोरोनाबाट ज्यान गुमाएका शिशुको परिवार पर्वतको लामाखेत बस्दै आएका थिए ।

गएको असार ९ गते अस्पताल भर्ना भएका शिशुलाई सघन उपचार कक्ष (आईसीयू) मा राखेर उपचार गरिएको उपचारको क्रममा बुधबार मृत्यु भएको थियो । यसैबीच शिशु जन्मिएपछि पोखराबाट पुनः लामाखेत फर्किएको वा अस्पतालमा भेट्न गएकाहरुको कन्ट्राक ट्रेसिङ समेत गरिने छ ।

Exit mobile version