म्याग्दीको सदरमुकाम बेनीमा ७ बर्षपछि क्रिकेट लिग हुने भएको छ । जिल्ला क्रिकेट संघको आयोजनामा क्रिकेट लिग हुने भएको छ । लिग जेठ ५, १०, ११ र १२ गतेसम्म हुने छ । 
पछिल्लो समय म्याग्दीमा नियमित क्रिकेट अभ्यास हुन थालेपछि म्याग्दीका चार क्रिकेट क्लवको सहभागितामा लिगमा रत्नेचौर क्रिकेट समुह, म्याग्दी क्रिकेट क्लव, बेनी नगरपालिका र बगरफाँट क्रिकेट क्लवले प्रतिस्पर्धा गर्ने संघका कोषाध्यक्ष सौरभ किसानले बताए ।
उनका अनुसार समय अनुकुल आगामी दिनमा ठूलो धनराशीको पुरस्कार सहितका प्रतियोगिताका लागि जिल्लाभित्र रहेका क्लवहरुमा आवद्ध खेलाडीलाई प्रतिस्पर्धामा उत्रिन सहज हुने गरी अभ्यास सहितका खेलहरुलाई प्राथमिकता दिइएको छ । प्रतियोगिता लिग सिस्टममा खेलाइने छ । प्रतियोगिता लिग सिस्टममा खेलाइने छ । लिगमा पहिलो र दोस्रो हुने फाइनलमा खेल्नेछन् । फाइनल सहित ७ खेल हुने छ ।
लिगका विजेताले १५ हजार र उपविजेताले १० हजार सहित सिल्ड, ट्रफि र प्रमाणपत्र प्राप्त गर्नेछन् । त्यसैगरी लिगमा सबैभन्दा बढी रन बनाउने खेलाडी,बढी विकेट लिने खेलाडी, ईमर्जिङ खेलाडी, म्यान अफ दी सिरिज, म्यान अफ दी म्याचलाई समेत सम्मान गरिनेछ । बेनीको खुल्लामञ्च, बगरफाँट, चुत्रेनी र रत्नेचौर खेलमैदानमा नियमित अभ्यास सहित प्रतियोगिता समेत हुने गरेको छ।
