Site icon BeniOnline.com.np जिल्लाका ताजा अनलाइन समाचार

बस चालक अधिकारीले एकैदिन पाँच संघसंस्थामा सहयोग

कोरोना भाइरसको जोखिमसँगै सरकारले गएको बर्षको चैत्र महिनाको दोस्रोसाता देखि गरेको लकडाउनले बस ग्यारेजमै थन्किएपछि परिवारसँगै दिन विताइरहेका छन् रुद्ध प्रसाद अधिकारी । म्याग्दी कोरला यातायात प्रालिद्धार सञ्चालित बसका चालक रहेका अधिकारीले करिब चार महिना बसको स्टेरिङ छोएका छैनन् । यातायात ब्यवसायसँगै सामाजिक र मानवीय सेवामा समेत रुची रहेका अधिकारीले आइतबार प्रशिद्ध धार्मिकस्थल गलेश्वर आश्रममा रहेका ५० ज्येष्ठ नागरिकलाई विहनको भोजन गराए, गलेश्वरको पारीको राम मन्दिर गायत्री मन्दिरमा समेत पुगेर खाद्यान्न सहयोग गरे । त्यस लगत्तै बेनीको बालगृहमा बालबालिका र बागलुङकाृ मानवसेवा आश्रममा करिब एक सातासम्म पुग्ने खाद्यान्न सहयोग गरे । एकैदिन करिब आधादर्जन संघसंस्थामा पुगेर सहयोग गरेका अधिकारीले मानवीय सेवा नै सबैभन्दा ठूलो धर्म भएको बताउँछन् ।

‘जहाँ आवश्यकता छ, त्यही सहयोग गनुर्् नै धर्म हो,‘मैले यस्तै कार्यलाई भविस्यमा पनि निरन्तरता दिन्छु’ अधिकारीले भने । उनले आफ्नो कमाईको धेरै सहयोगमै खर्च हुने बताउँदै परिवारका सदस्य समेत सोही कार्यबाट खुसी रहेको बताए ।

सहयोग हस्तान्तरण कार्यक्रममा अन्य सहभागीले समेत उनको सहयोगी मनप्रति उच्च सम्मान रहेको बताएका थिए । काठमाण्डौ घर भएका अधिकारी करिब ५ बर्षदेखि म्याग्दीकै बस्ने गरेका छन् । यसैबीच सहयोग हस्तान्तरणको क्रममा गलेश्वर, बालमन्दिर र मानसेवा आश्रमका समितिबाट अधिकारीलाई धन्यवाद ज्ञापन गरेका थिए ।

Exit mobile version