नेपाल पञ्चाङ्ग निर्णायक विकास समितिका अनुसार २०८३ सालको विजया दशमीको टीकाको उत्तम साइत कात्तिक ४ गते बुधबार बिहान १० बजेर २६ मिनेटमा रहेको छ। अंग्रेजी पात्रोअनुसार उक्त दिन अक्टोबर २१, २०२६ मा पर्छ।
समितिले देवी विसर्जनको साइत बिहान ८ बजेर ४९ मिनेटमा निर्धारण गरेको छ। साइतमै टीका लगाउन चाहनेहरूका लागि बिहान १०:२६ बजेको समय उत्तम रहेको समितिले जनाएको छ। टीका लगाउँदा पश्चिम फर्किनुपर्ने पनि जनाइएको छ।
विजया दशमीका दिन उत्तम साइतमा टीका लगाउन चाहनेहरूले तोकिएको समयमा टीका लगाउन सक्नेछन्। यद्यपि, साइतमै टीका लगाउन सम्भव नभए पनि दिनभर मान्यजनबाट टीका, जमरा तथा आशीर्वाद ग्रहण गर्न सकिनेछ।
