सडक विस्तारको बिवादका कारण म्याग्दीको मंगला गाउँपालिका वडा नं १ कुहुँको अँधेरी खोलाको सडकमै रूख ढालेर र पर्खाल लगाएर बाटो अवरोध गरिएको छ । मंगला-१ कुहुँ र पूर्णगाउँ जोड्ने सडकखण्डमै पर्खाल लगाएर बाटो अवरुद्ध भएपछि यातायातका साधन प्रभावित भएको स्थानीय कृष्ण गौचनले बेनीअनलाइनलाई बताउनुभयो। ‘बाटो बन्द गरिएको छ,अहिलेसम्म बन्द छ‘स्थानीय यूवा गौचनले भन्नुभयो ।
सडकखण्डमा पर्खाल र रुख ढालेर अवरोधगरिएपछि कुुहुँ र पूर्णगाउँबाट सदरमुकाम बेनी तथा गाउँपालिकाको केन्द्रबावियाचौर जाने यातायातका साधन समेत प्रभावित भएको छ ।कुहुँ–भिरकटेरा हुदै टोड्के जाने सडकखण्ड विस्तारको विषयमा कुहुँ र पूर्णगाउँ बिचको विवाद रहेको छ ।
कुहुँ हुदै रघुगंगा गाउँपालिका–५, झिँ, पाखापानी लगायतका क्षेत्रमा आवतजावत गर्न भिरकटेरा हुदै छोटो मार्ग रहेको कुहुँबासीको भनाई छ भने पूर्णगाउँको सामुदायिक बन समुहले सडक टोड्के, झिँ जाने सडक हुदाँहुदै अर्को बैकल्पिक सडकले पहिरोको जोखिम भएको भन्दै डिभिजन बन कार्यालय म्याग्दीमा उजुरी दिएपछि थप सडक विस्तार रोकिएको थियो । पूर्णगाउँबासीले माथिल्लो क्षेत्रबाट बाटो खन्दा बाढीले खेतबारी जोखिममा परेको बताउँदै एउटै बाटोलाई सहज बनाउनुपर्ने माग गरेका छन् । 
हालसम्म भिरकटेरा हुदै चार किलोमिटर विस्तार भइसकेको छ भने साढे १ किलोमिटर सडक विस्तार गर्न बाँकी छ। सडक विस्तारका लागि २२ लाख बजेट विनियोजन गरिएको छ । सडक विस्तारमा देखिएको समस्या समाधानका लागि दुबै बस्तीका समुदायसँग बसेर समाधानको तयारी समेत भइरहेको छ ।
वडाका जनप्रतिनिधिले सडक विस्तारको विवादले कार्यसम्पादनमा समेत समस्या भएकाले सरोकारवाला निकायलाई समस्याको दिर्घकालिन समाधानमा सहयोग गर्न समेत अपिल गरेका छन् ।
नयाँ पुस्तालाई संस्कृति हस्तान्तरण गर्ने माध्ययमका रुपमा प्रतियोगिता आयोजना गरिएको प्रतियोगिताका मुल संयोजक समेत रहेका वडा अध्यक्ष ओमप्रकाश फगामीले बताउनुभयो । प्रतियोगितामा सहभागि पुख्र्यौलीनाचहरुमा अन्नपूर्ण गाउँपालिकाका विभिन्न वडाका जनप्रतिनिधि, आमा समूह, युवायुवति, बालबालिका र बृद्धबृद्धा समेतले सहभागिता जनाएका थिए ।
फेस्टिबलमा मोना अन्तराष्ट्रियका संस्थापक अध्यक्ष प्रकाश पुन, अध्यक्ष ददीवल खड्का,महासचिव सुनेश केसी, कोषाध्यक्ष नरेन्द्र फगामी, मोना कतारका पूर्व अध्यक्ष तिलु शर्मा पौडेल, मोना दक्षिण कोरियाका पूर्व अध्यक्ष कृष्ण सुञ्चेरी लगायत समेत पुगेका छन् । फेस्टिवलमा २४ स्टल राखिएकोमा म्याग्देलीको ४ देखि ५ स्टल राखिने छ ।मोना फेस्टिबलमा कुल ५० लाखभन्दा बढी नेपाली खर्च हुने बताइएको छ ।
