जिल्ला खेलकुदा विकास समिति म्याग्दीको आयोजना र खेलकुद परिषद गण्डकीको समन्वयमा शुक्रबार पुरुष तर्फ ८ र महिला तर्फ ६ किलोमिटर सडक दौड प्रतियोगिता सम्पन्न भएको छ । पुरुष तर्फ बेनी नगरपालिका ५ पुलाका नविन कार्की प्रथम हुनुभएकाे छ । कार्कीले ८ किलोमिटर दुरी २३ मिनेट ५३ सकेण्डमा पार गरि प्रथम हुनुभएको हो ।

धवलागिरि गाउँपालिकाका विराज परियारले सोही दुरी २४ मिनेट १५ सेकेन्डमा पुरा गरी दोस्रो हुनुभयो भने २५ मिनेट तिन सेकेन्डमा सोही दुरी पारगरी मालिका गापा ६ का अर्जुन विकले तेस्रो स्थान हासिल गर्नुभएको जिल्ला खेलकुद विकास समितिका अध्यक्ष दिनेश केसीले बताउनुभयो । यसैगरी महिला तर्फको रघुगंगा गापा, ३ पिप्लेकी सविना विकले १९ मिनेट ४५ सेकेण्डमा ६ किमी दुरी पार गरी महिला तर्फको दौडमा पहिलो हुनुभयो ।

तेज धाविका विक रघुगंगा माध्यामिक विद्यालय पिप्लेमा ८ कक्षामा अध्ययनरत हुनुहुन्छ । मंगला गापा, ५ अर्मन पोककी रिक्जना माझीले सोही दुरी २० मिनेट १३ सेकेण्डमा पार गरी दोस्रो स्थान हासिल गर्नुभयो भने धवलागिरि गाउँपालिका ७ की मनिषा खत्रीले सोही दुरी २२ मिनेट ३९ सेकेन्डमा पारीगरी तेस्रो स्थान हासिल गर्नुभयो ।

दौड प्रतियोगितामा पुरुष तर्फ २३ जना र महिला तर्फ ७ जना धाविकाहरु सहभागी भएका थिए । प्रतियोगितमा पुरुष तर्फका प्रथम,द्धितिय र तितृय हुनेहरुलाई क्रमशः १० हजार,८ हजार र ५ हजार नगद सहित प्रमाणपत्र र महिला तर्फ प्रथम,द्धितिय र तृतिय हुनेहरुलाई क्रमशः ५ हजार,३ हजार र २ हजार नगदसहित प्रमाणपत्र प्रदान गरिएको थियो । विजयी हुनेहरुलाई बेनी नगरपालिकाका प्रमुख सुरत केसी,प्रमुख जिल्ला अधिकारी तुलसीराम पौडेल,जिल्ला खेलकुद विकास समितिका अध्यक्ष केसी लगायतले पुरस्कार र प्रमाणपत्र वितरण गर्नुभएको थियो ।

बेनीमा जारी सातौँ म्याग्दी महोत्सवमा आयोजित खुल्ला पालिका स्तरीय भलिबल प्रतियोगितामा पुरुषतर्फ रघुगंगा गाउँपालिका र महिलातर्फ अन्नपूर्ण गाउँपालिका बिजयी भएका छन् । शुक्रवार भएको फाइनलमा अन्नपूर्णलाई सोझो तीन सेटमा हराउँदै पुरुषतर्फ रघुगंगाले उपाधी चुमेको हो ।

प्रतियोगिताको फाइनल खेलमा अन्नपूर्ण गाउँपालिकालार्ई १९–२५, १३–२५ र १७–२५ को सेटमा पराजित गर्दै रघुगंगा गाउँपालिका प्रथम हुन सफल भएको जिल्ला भलिबल संघ म्याग्दी अध्यक्ष तेजेन्द्र बानियाँले बताए । भलिवल प्रतियोगितामा प्रथम, द्वितिय हुनेलाई मेडल, ट्रफी,प्रमाणपत्रसहित क्रमशः नगद रु ८८ हजार ८८८ र रु ५५ हजार ५५५ पुरस्कार प्रदान गरिएको छ।त्यसैगरि महिला भलिबलतर्फ धवलागिरि गाउँपालिकालाई सोजो ३ सेटमा पराजित गर्दै अन्नपूर्ण गाउँपालिकाले उपाधि जितेको हो ।

प्रतियोगितामा धवलागिरिलार्ई २२–२५, १७–२५ र १०–२५ को सेटमा पराजित गर्दै अन्नपूर्ण गाउँपालिका प्रथम हुन सफल भएको थियो । महिला भलिबल प्रतियोगितामा प्रथम हुने टिम नगद रु ५५ हजार पाँच सय ५५ र दोस्रो हुनेले रु ३३ हजार तीनसय ३३ नगद पुरस्कारको साथमा ट्रफी, मेडल, र प्रमाणपत्रसहित पुरस्कृत भएका छन् ।

प्रतियोगितामा उत्कृष्ट खेलाडी, उत्कृष्ट स्पाइकर, व्लकर, सर्भर, डिफेन्डर र सेटरलाई समेत नगद पुरस्कार र ट्रफिद्धारा पुरस्कृत गरिएको छ । कार्यक्रममा गण्डकी प्रदेश सभा सदस्य हरि भण्डारी, मालिका गाउँपालिका अध्यक्ष बेगप्रसाद गर्बुजा,म्याग्दी उवासंघ म्याग्दीका अध्यक्ष बेलबहादुर कटुवाल, बरिष्ठ उपाध्यक्ष सुविन श्रेष्ठ, द्धितिय उपध्यक्ष लिलाराम गौतम लगायतको उपस्थिति रहेको थियो ।