म्याग्दीको बेनी नगरपालिका–५, पुलाचौरमा सञ्चालित जनकल्याण माध्यमिक विद्यालयले बुधवार आफ्नो ६९औं वार्षिकोत्सव अर्थात् स्थापना दिवस मनाएको छ । विद्यालयको आयोजनामा विविध सांस्कृतिक तथा सम्मान कार्यक्रमको आयोजना गरी वार्षिकोत्सव मनाइएको हो ।

वार्षिकोत्सवको अवसर पारेर विद्यालयले गएको शैक्षिक सत्रमा कक्षा ५ मा उत्कृष्ट अङ्कसहित प्रथम हुने सुमित परियार, द्वितीय सुदिपा परियार, कक्षा ८ मा प्रथम हुने इच्छा बानियाँ, द्वितीय अस्मिता परियार र आयुष बानियाँलाई नगद क्रमशः दुईहजार, एकहजार पाँचसय र सातसय ५० रुपैयाँसहित पुरस्कृत गरिएको थियो । यसैगरी विद्यालयले दिर्घसेवा सम्मान र उत्कृष्ट शिक्षक तथा अभिभावकलाई पनि पुरस्कृत गरेको जनाएको छ।

विद्यालयको बालशिक्षामा लामो समय सेवा गर्नुभएकोमा सुन्तली सुवेदी, कक्षा ८ को नगरपालिकास्तरीय परीक्षामा उत्कृष्ट नतिजा दिलाउन सहजीकरण गर्ने शिक्षक मोहनबहादुर जिसी, शैक्षिक सत्र २०८१ मा उत्कृष्ट शिक्षक प्रकाश सुवेदी र उत्कृष्ट अभिभावकतर्फ देवीकुमारी नेपालीलाई दोसल्ला ओढाएर सम्मानपत्र प्रदान गरी सम्मान गरिएको थियो ।

सोही अवसरमा विद्यालयमा स्थापित धनेश्वरी–तारानाथ स्मृति अक्षयकोषको तर्फदेखि संविधानसभा सदस्य रेशमबहादुर बानियाँलाई सम्मानपत्र प्रदान गरिएको थियो । वार्षिकोत्सव कार्यक्रमको उद्घाटन गर्र्दै संविधानसभा सदस्य बानियाँले पछिल्लो समय सामुदायिक विद्यालयहरुमा विद्यार्थी सङ्ख्या घट्दै गएकाले गुणस्तरीय शिक्षा प्रदान गरेर विद्यार्थीको आकर्षण बढाउनुपर्ने बताउनुभयो । उहाँले विद्यालयमा कार्यरत शिक्षकहरुले मेहनतका साथ अध्यापन गराउनुपर्ने बताउँदै गुणस्तरीय शिक्षा प्रदान गर्न तथा राम्रो जनशक्ति उत्पादन गर्नको लागि विद्यालय प्रशासन लाग्नुपर्नेमा जोड दिनुभयो ।

बेनी नगरपालिकाको नगर शिक्षा अधिकारी क्षेत्रबहादुर भण्डारीले विद्यार्थीहरुलाई अध्ययनसँगै नगरपालिकामार्फत ‘हामी सक्छौं, हामी गर्छौं’ भन्ने सिपमूलक कार्यक्रममार्फत जोड्ने प्रयास गरिएको बताउनुभयो । उहाँले सामुदायिक विद्यालयहरुलाई शैक्षिक र भौतिक रुपमा सशक्त बनाएर स्थापित गराउनुपर्ने बताउँदै सामुदायिक विद्यालयलाई सबै क्षेत्र, वर्ग र लिङ्गले अपनत्व गर्नेगरी अगाडि बढाउनुपर्ने बताउनुभयो । साुमदायिक विद्यालयमा सरकारको ठूलो लगानी रहेकाले त्यसको प्रतिफल आउने गरी सबै सरोकारवाला लाग्नुपर्ने उहाँको भनाइ छ । बेनी नगरपालिका ५ नम्बर वडाका वडा अध्यक्ष गोविन्द बानियाँले विद्यालयले शैक्षिक गुणस्तर वृद्धि गर्नेतर्फ जोड दिनुपर्ने बताउँदै नगरपालिकाले शैक्षिक सुधारका लागि आवश्यक पहल गरिरहेको बताउनुभयो ।

विद्यालयका भूतपूर्व अध्यक्ष माधवप्रसाद रेग्मी र पूर्व अध्यक्ष रामप्रसाद सुवेदीले आ–आफ्नो कार्यकालमा समग्र विद्यालयको शैक्षिक गुणस्तर बढाउन तथा भौतिक विकासमा जोड दिइएको बताउनुभयो । विव्यस अध्यक्षद्वय रेग्मी र सुवेदीले विद्यालय सञ्चालन गर्नको लागि यसअघि विभिन्न माध्यमबाट आर्थिक सङ्कलन समेत गरिएको बताउनुभएको थियो । विद्यालयका प्रधानाध्यापक कमलप्रसाद पौडेलले विद्यालयमा हल व्यवस्थापन र अन्य संरचना निर्माणको आवश्कता रहेको जानकारी दिनुभयो ।

कार्यक्रममा विद्यालयको शिक्षक अभिभावक संघका अध्यक्ष बलराम बानियाँ, सम्मानित शिक्षक प्रकाश सुवेदी, साहित्यकार अजयमिलन श्रेष्ठ, विद्यार्थीद्वय इच्छा बानियाँ र करिस्मा किसानले मन्तव्य व्यक्त गर्नुभएको थियो । कार्यक्रम विद्यालय व्यवस्थापन समितिका अध्यक्ष तिलकप्रसाद श्रेष्ठको अध्यक्षता, प्रअ पौडेलको स्वागत र शिक्षक शिव बानियाँको सञ्चालनमा सम्पन्न भएको थियो । वार्षिकोत्सव समारोहको कार्यक्रममा विद्यार्थीहरुले गीत र नृत्य प्रस्तुत गरेका थिए ।

म्याग्दीको अन्नपूर्ण गाउँपालिका–४ नारच्याङको लेकगाउँमा ‘एक घर, एक धारा’ कार्यक्रमसहित खानेपानी विस्तार भएको छ ।

लेकगाउँ खानेपानी तथा सरसफाइ आयोजनामार्फत गाउँका ८६ घरधुरी, एउटा विद्यालय र दुई वटा सामुदायिक भवनमा खानेपानीको पहुँच विस्तार गरिएको हो ।

लेकगाउँ खानेपानी आयोजना सम्पन्न भएसँगै सबै घरमा शुद्ध खानेपानीको सुविधा पुगेको निर्माण उपभोक्ता समितिका अध्यक्ष सोमबहादुर रञ्तिजाले बताउनुभयो ।

घरघरमा निर्माण भएका धारामा पानी आउन थालेको र पूर्वाधारसहित सुरक्षित खानेपानीलाई ध्यान दिइएको उहाँले बताउनुभयो ।

गोर्खा वेल्फेयर ट्रष्टको आर्थिक तथा प्राविधिक सहयोग र समुदायको श्रमदानबाट लेकगाउँमा खानेपानी आयोजना निर्माण भएको हो ।

खानेपानी आयोजनाका लागि ट्रष्टको ५० लाख ५४ हजार र स्थानीयवासीको १० लाख ९२ हजार रुपैयाँ बराबरको श्रमदान गरी कुल ६१ लाख ४७ हजार रुपैयाँ लगानी भएको छ ।

आयोजना निर्माण शुरू भएको दुई महिनामै सम्पन्न भई धाराबाट पानी आउन थालेपछि उपभोक्ता उत्साहित भएका छन् ।

उर्जा,जलस्रोत तथा सिंचाइ राज्यमन्त्री खमबहादुर गर्बुजा ‘खम्बिर’ र नेपाल विद्युत् प्राधिकरणका कार्यकारी निर्देशक हितेन्द्रदेव शाक्यको ध्यानाकर्षण गराएका छन् । सोमबार राज्यमन्त्री गर्बुजाको कार्यकक्षमा भएको भेटमा कार्यकारी निर्देशक शाक्यलाई म्याग्दीमा विद्युत आपुर्ति नियमित गराउन निर्देशन दिनुभयो । म्याग्दीबाट प्रतिनिधि सभा सदस्य समेत रहनुभएका राज्यमन्त्री गर्बुजाले गृहजिल्ला म्याग्दीमा निर्माणाधिन १३२ केभी क्षमताको डाँडाखेत–राहुघाट प्रसारण लाइन र जलद्यिुत आयोजनालाई समयमै सम्पन्न गर्न समेत निर्देशन दिनुभयो ।

साथै म्याग्दीमा नयाँ ईन्सुलेटेड तार र ट्रान्सफरमर थप जडान गरी विद्युत आपुर्ती भरपर्दो र नियमित गराउन , जिल्लाको भौगोलिक रुपमा सबैभन्दा दुर्गम गुर्जा लगायतका ग्रामिण बस्तीमा केन्द्रिय प्रसारण लाइन पु¥याउनका लागि प्रक्रिया थाल्न समेत निर्देशन दिनुभयो ।

साथै म्याग्दीका स्थानीय तह सँगको सहकार्यमा जिल्ला सदरमुकाम बेनी सहितका बजारमा सडक बत्ती जडान गर्नका लागि समन्वय गरी प्रक्रिया थाल्न आग्रह गर्नुहुँदै राज्यमन्त्री गर्बुजाले आफुले आवश्यक सहयोग गर्ने प्रतिबद्धता व्यक्त गर्नुभयो ।
राज्यमन्त्री गर्बुजाका निजि सचिव विनोद शर्माका अनुसार ,छलफलमा कार्यकारी निर्देशक शाक्यलाई राज्यमन्त्री गर्बुजाले विद्युत क्षेत्रमा जिल्लामा देखिएका अन्य समस्यालाई समाधान गर्नका लागि आवश्यक कार्य गर्न सचेत गराउनुभयो ।

भेटमा कार्यकारी निर्देशक शाक्यले निर्माणाधिन प्रसारण लाइन र सवस्टेशन तथा ४० मेगावाट क्षमताको राहुघाट जलविद्युत आयोजनाको कार्यप्रगतिबारे जानकारी गराउनुभएको थियो । म्याग्दी नदी र सहायक खोलामा निर्माणाधीन जलविद्युत् आयोजनाबाट उत्पादन हुने विद्युत्लाई केन्द्रीय ग्रिडमा जोड्न नेपाल विद्युत् प्राधिकरणले मालिका गाउँपालिका–७, डाँडाखेतबाट रघुगङ्गा गाउँपालिका–३, अम्बाङ जोड्ने २५ किलोमिटर लामो १३२ केभी क्षमताको प्रसारण लाइन र दुवै ठाउँमा सबस्टेशन निर्माण अन्तिम चरणमा पु¥याएको छ ।

यहाँको बेनी नगरपालिका-१ अर्जममा १५७ वर्ष पुरानो नहर पक्की बनाउन थालिएको छ । जलस्रोत, खानेपानी तथा सिँचाइ डिभिजन कार्यालय म्याग्दीले अर्जममा विसं १९२५ मा निर्माण भएको नहर पक्की बनाउन योजना सञ्चालन गरेको हो । 

साबिक रत्नेचौर गाविसको यो सिँचाइ आयोजनाको नाम ‘पच्चिस साले सिँचाइ योजना’ राखिएको छ । उपभोक्ता समितिका सचिव नरबहादुर थापाले कच्ची नहरमा पानीको चुहावट र जमिन भासिने समस्या भएपछि वर्षौको प्रयासपछि पक्की निर्माण गरी पाइपलाइन जडान गर्न थालिएको जानकारी दिए। 

‘कच्ची नहरमा मुहानबाट पठाएको पानी चुहिएर पुछारको खेतमा पुर्याउन नसक्ने अवस्था थियो,’ उनले भने, ‘गण्डकी प्रदेश सरकारले पक्की नहर र पाइप जडान गर्ने योजना सञ्चालन गरेपछि उत्साही भएका छौँ ।’

चालु आर्थिक वर्षमा १० लाख विनियोजन भएको योजनाबाट दुईवटा च्याम्बर र १२५ मिटर पक्की नहर निर्माण भएको उपभोक्ता समितिका सदस्य चेतन थापाले बताए । उनका अनुसार पहिरो र जमिन भासिने समस्या भएको ठाउँमा आजदेखि १६८ मिटर लामो २५० मिलिलिटर क्षमताको पाइप जडान गर्न थालिएको छ । 

यसअघि विसं २०५१-५२ मा कामका लागि खाद्यान्न कार्यक्रममार्फत मर्मत भएको नहर जीर्ण बनेको थियो । बेनी नगरपालिका र स्थानीयवासीको साझेदारीमा मुहान निर्माण भएको छ । यो योजनाबाट १८० कृषकको २१९ रोपनी जमिनमा बाह्रै महिना सिँचाइ सुविधा पुग्ने उपभोक्ता समितिका अध्यक्ष भीमबहादुर थापामगरले बताए। 

आयोजना निर्माणलाई निरन्तरता दिन कार्यालयले ५० लाख लागत अनुमानसहित विस्तृत आयोजना प्रतिवेदन (डिपिआर) तयार पारेको छ । थप एक किलोमिटर नहर निर्माण र पाइपलाइन जडान गर्नुपर्ने उपभोक्ता समिति सदस्य थापाले बताए । सिँचाइ सुविधा सहज भएमा खेतमा तीन बाली लगाउन, व्यावसायिक बेमौसमी तरकारीखेती गरेर आयआर्जन गर्न सकिने उनको भनाइ छ । 

महत्वपूर्ण र आवश्यक योजना भएकाले जनप्रतिनिधिहरूसँग समन्वय गरेर क्रमागत योजनामा समावेश गराउन प्रस्ताव गरेको जलस्रोत, खानेपानी तथा सिँचाइ डिभिजन कार्यालय म्याग्दीका प्रमुख, सिनियर डिभिजनल इन्जिनियर झलकमोहन ओझाले जानकारी दिए ।