बेनी नगरपालिका-२,आम्बोटका लालबहादुर र लालकुमारी घिमिरे मस्त निन्द्रामा थिए । महाशिवरात्रीको दिनभरी पुजाआजा र घरायसी काममा ब्यस्त भएकाले लालबहादुरका दम्पत्ती थकित थिए ।अन्य दिनको तुलनामा छिट्टै खानपिन गरी सुतेका घिमिरे दम्पत्ती राती करिब साढे १० बजे कुकुर लगातार कुकुर रुन थालेपछि मिठो निन्द्राबाट झसंङ्ग आत्तिँदै ब्युझिँए।
लामो समय सम्म पनि रुवाई नरोकिएपछि अनिष्टको संकेत हुन्छ भन्दै ओछ्यानबाट बाहिर निस्किन खोज्दा घरमा आगो लागेको थियो । कुकुर नजिकै आगोको मुस्लो आएको देखेपछि घिमिरे दम्पत्ती आत्तिदै बाहिर निस्किए । पशुचौपायाको गोठ हुदैं आगाको मुस्लो घरतर्फ आइरहेको अवस्थामा कुकुरले संकेत दिएपछि घिमिरे दम्पत्तीको ज्यान जोगिएको हो ।
‘कुकुरले हाम्रो ज्यान जोगायो, केही मिनेट मात्रै ढिलो भएको भए खरानी परिन्थ्यो’ लालबहादुर घिमिरेले भने । उनले विद्युत सर्ट र घरायसी असावधानीबाट नभई कसैले महाशिवरात्रीमा आवतजावत गर्दा आगो लगाइदिएको हुनसक्ने बताए । कुकुर रोएर अनिष्ट नभई कुनै कारणले रोएको हुन्छ भन्ने प्रमाणित भएको समेत उनले बताए ।
कुकुरको संकेतले बाहिर निस्किएपछि लालबहादुरले हल्ला–खल्ला गरेलगत्तै हरिलाल घिमिरे सहित छिमेकीले आगो निभाउन सफल भए । बागलुङमा सफल पोलिक्लिनिक सञ्चालन गरिरहेका छोरा दिपेन्द्र घिमिरेलाई तत्कालै फोन गरेपछि उनले म्याग्दी प्रहरीलाई घटनाका बारेमा जानकारी गराए । लालकुमारी महाशिवरात्री मनाउन दुई दिन अगाडी मात्रै बागलुङबाट घर गएकी थिईन् ।
आगोले गोठ र आसपामा क्षती पुगेपनि कुकुरको कारण आमाबुबाको ज्यान बचेको भन्दै पशुचौपायाप्रतिको मायाँ ह्वात्तै बढेको बताए । उनले आगोलागी भएको स्थानमा पातहरू संकलन गरी लगाइएको बताए ।
यता घरमा एक्कासी आगोलागी भएको खवर आएपछि प्रहरी निरिक्षक रविन्द्र श्रेष्ठको नेतृत्वमा घटनास्थलमा पुगेर अनुसन्धान गरिएको प्रहरी नायव उपरीक्षक श्यामकुमार राईले बताए । ‘घटनाको अनुसन्धान भइरहेको छ,‘पीडित पक्षले निवेदन समेत दिनुभएको छ’ प्रनाउ राईले भने । आगोबाट घरधनीलाई जोगाउन सफल भएको भन्दै कुकुरको प्रशंसा भैरहेकोछ ।
आगोलागीबाट नष्ट भएको घर नजिकैको गोठ र कुकुर । तस्वीर सौजन्य दिपेन्द्र घिमिरे
‘घरमै अक्सिजन दिएर राख्नुपर्ने बिरामीलाई पनि सहज हुन्छ,‘खर्च र समयको बचत भएको छ’ प्रमुख डा. कँडेलले भने । प्लान्टबाट उत्पादित अक्सिजनमा शुद्धता प्राप्त हुने उनको भनाई छ । हावालाई प्रशोधन गरेर अक्सिजनलाई चारवटा सिलिण्डरमा भर्न मिल्ने उपकरण जडान गरिएको छ । मेसिनसँगै सिधै बेडमा जान आवश्यक पर्ने १२ ठूलो सिलिन्डर र आकस्मिक प्रयोगका लागि २ वटा र १० वटा मौज्जातमा रहेको अस्पतालले जनाएको छ ।
