स्वर्गीय माताको स्मृतिमा संघसंस्था र विद्यालयमा १ सय थान पुस्तक सहयोग गरेका छन् । मंगला गाउँपालिका वडा नं. १, भर्जुला हाल अष्ट्रेलियामा रहेकी छोरी शान्ता पाइजा, ज्वाई मनिष पाइजा र मगर समाज अष्ट्रेलियाको आर्थिक सहयोगमा उक्त सहयोग गरिएको हो । स्वर्गीय आमा किर्तमाया पुनमगरको स्मृतिमा बैज्ञानिक डा. महावीर पुन, मेजन पुन द्धारा लिखित आत्मकथा, धौलाश्री र मगरचलचित्र नामक पुस्तक म्याग्दी जिल्लाका ५० विद्यालय, म्याग्दी पुस्तकालय सहित ५ संघसंस्थालाई संघसंस्थाहरुमा हस्तान्तरण गरिएको छ ।

विदेशमा रहेर आर्जन गरेको धन केही मात्रा भएपनि आफ्नो जन्मभूमीमा सहयोग गरौं र उक्त सहयोगले विद्यालयको शिक्षामा थप टेवा पुगोस् भन्ने उद्देश्यले उक्त सहयोग गरिएको साजन चोचाङ्गी पुन मगरले बताए । ५० थान महावीर पुनको आत्मकथा, ५० थान धौलाश्रीरी, मगर चलचित्रका २१ थान पुस्तक मेजन पुनले सहयोग गरेका थिए ।

म्याग्दी जिल्ला मगरहरुको अत्याधिक बाहुल्यता भएको र विभिन्न कारणहरुले पछाडी परेको र पारिएकोले पनि यहाँको प्रायजसो मगरहरु शिक्षाबाट पछि परेको र मगर र संस्कृति पनि लोप हुदै गएकोले पनि मगर चलचित्र पुस्तक पनि सँगसँग वितरण गरिएको कुरा मगर चलचित्र पुस्तकका लेखक मेजन पुनले बताए । आगामी दिनमा अन्य स्रोतबाट आर्थिक सहयोग संकलन गरि पुस्तक वितरण गरिने जनाइएको छ ।

म्याग्दीको बेनी नगरपालिकासहित विभिन्न ६ पालिकामा शनिबार ११ घण्टासम्म विद्युत अवरुद्ध हुने भएको छ। नेपाल विद्युत प्राधिकरणले सार्वजनिक गरेको सूचनाअनुसार म्याग्दी वितरण केन्द्रको सिंग्मा तातोपानी फिडर, बेनी फिडर, रत्नेचौर फिडर र दाना फिडर अन्तर्गतका क्षेत्रहरूमा आज बिहान ७ बजेदेखि बेलुका ६ बजेसम्म विद्युत अवरूद्ध हुनेछ।

ती क्षेत्रमा विद्युत मर्मत गर्न विद्युत सट डाउनमा राख्नुपर्ने भएकाले ११ घण्टासम्म विद्युत अवरूद्ध हुने नेपाल प्राधिकरणले जनाएको छ। बेनी फिडरअन्तर्गत बेनी नगरपालिकाको वडा नम्बर २,७ र ८, जलजला गाउँपालिकाका वडा नम्बरा २ र ३ मा विद्युत सेवा अवरूद्ध हुनेछ।

रत्नेचौर फिडर अन्तर्गत बेनी नगरपालिकाको वडा नम्बर १ र २, जलजला गाउँपालिकाको वडा नम्बर ७ र ८ मा विद्युत् अवरूद्ध हुने प्राधिकरणले जनाएको छ।

त्यस्तै दाना फिडर अन्तर्गत रघुगंगा गाउँपालिका, अन्नपूर्ण गाउँपालिका, बेनी नगरपालिकाको वडा नम्बर ९ र १० तथा जलजल गाउँपालिकाको वडा नम्बर १,२,३ र ४ का क्षेत्रहरूमा विद्युत अवरूद्ध हुने प्राधिकरणले जनाएको छ।

उत्तरी म्याग्दीको अन्नपूर्ण गाउँपालिका–८, नागीमा सञ्चालित हिमाञ्चल माध्यमिक विद्यालयमा आज (शुक्रवार) अभिमुखीकरण तथा प्रतिबद्धता जाहेर कार्यक्रम सम्पन्न भएको छ । बालमैत्री स्थानीय शासन घोषणा गर्नको लागि विद्यालयका सरोकारवालाहरुलाई अभिमुखीकरण गराउनुको साथै प्रतिबद्धता जाहेर गरिएको हो ।

अन्नपूर्ण गाउँपालिका र सामाजिक विकास कार्यालय म्याग्दीको समन्वय तथा आर्थिक सहयोग एवं मिलन म्याग्दीको आयोजनामा बालमैत्री स्थानीय शासन घोषणाका लागि सरोकारवालालाई अभिमुखीकरण गरिएको छ । कार्यक्रमको उद्घाटन तथा प्रतिबद्धता जाहेर गर्दै अन्नपूर्ण गाउँपालिकाका उपाध्यक्ष दिवाकुमारी तिलिजा पुनले बालमैत्री स्थानीय शासन घोषणा अभियानलाई सफल बनाउन सम्बन्धित सरोकारवाला निकाय सबैले आवश्यक सहयोग गर्नुपर्ने बताउनुभयो ।

उपाध्यक्ष पुनले बालबालिकाहरुले पूर्ण रुपमा अधिकारको उपयोग गर्ने वातावरण बनाउन विद्यालय, योजना निर्माण र उपभोक्ता समिति गठन तथा स्थानीय संघसंस्था सबै क्षेत्रमा समान सहभागीको अवसर प्रदान गर्नुपर्नेमा जोड दिनुभयो । सोही कार्यक्रममा बोल्दै अन्नपूर्ण गाउँपालिकाका प्रशासकीय अधिकृत हरिकृष्ण आचार्यले २०८२ सालभित्र अन्नपूर्ण गाउँपालिकालाई बालमैत्री स्थानीय शासन घोषणा गर्न वडास्तरमा सञ्चालित अभियान प्रभावकारी बनाउनुपर्ने बताउनुभयो ।

अन्नपूर्ण गाउँपालिकाको कार्यपालिका सदस्य देवकुमारी पुनले बालमैत्री स्थानीय शासन घोषणा गर्न सूचकहरु पूरा भए नभएको तथा गाउँपालिकाले बनाएको आचारसंहिताको पालना गर्न अनुरोधसहित अनुगमन गरिने बताउनुभयो । विद्यालय व्यवस्थापन समितिका अध्यक्ष पूर्खजित शेरपुजाको अध्यक्षता र मिलन म्याग्दीका अध्यक्ष दिलमाया बिटालुले स्वागतसहित उद्देश्यमाथि प्रकाश पारेको कार्यक्रमको कार्यसमिति सदस्य मोहन बानियाँले सञ्चालन गर्नुभएको थियो ।

कार्यक्रममा बालमैत्री स्थानीय शासन राष्ट्रिय मञ्चका सदस्य एवं प्रमुख प्रशिक्षक साहिल अन्सारीले बालअधिकार, बाल अधिकारका सिद्धान्त, संवैधानिक व्यवस्था र बालमैत्री स्थानीय शासनका सूचकहरुको विषयमा सहजीकरण गर्नुभएको थियो । यसैगरी सामाजिक विकास कार्यालयका लेखा प्रमुख भविलाल शर्माले बालमैत्री स्थानीय शासन घोषणा गर्दा स्थानीय तह, संघसंस्था, अभिभावक र बालबालिकाले पालना गर्नुपर्ने आचारसंहिता र मिलन म्याग्दीका अध्यक्ष बिटालुले बालविवाह सचेतीकरण बारेमा सहजीकरण गर्नुभएको थियो ।

स्थानीय तह तथा वडालाई बालमैत्री स्थानीय शासन घोषणा गर्नको लागि बाल अधिकारका चार आयामहरुका विभिन्न ५१ वटा सूचकहरुको सर्वेक्षण गरी अन्नपूर्ण गाउँपालिका वडानम्बर ८ राम्चेले बालमैत्री स्थानीय शासन स्थितिपत्र–२०८० प्रकाशन गरेको छ । सो स्थितिपत्रअनुसार अधिकांश सूचकहरु पूरा भएको र नभएका सूचकहरु पूरा गरी २०८२ सालको चैत मसान्तभित्र वडा र अन्नपूर्ण गाउँपालिकालाई बालमैत्री स्थानीय शासन घोषणा गर्ने कार्यक्रममा वडाबाट आवश्यक सहयोग गर्ने र गराउने कार्यमा गाउँपालिकाबाट जारी नीति, नियम तथा आचारसंहिताप्रति स्थानीय सरोकारवालाबाट सामूहिक प्रतिबद्धता जाहेर गरिएको थियो ।

म्याग्दीको अन्नपूर्ण गाउँपालिकाले पालिका भित्रका युवाहरुलाई लक्षित गरी पर्यटन ट्रेकिङ गाईड तालिम सुरु गरेको छ । पालिकाको वडा नं. ४ नारच्याङमा रहेको सिर्जनशिल आमा समुहमा सभाहलमा संस्कृति पर्यटन तथा नागरीक उड्डयन मन्त्रालय अन्तरर्गतको नेपाल माउटेन एकेमेडका प्रशिक्षकहरुले १५ दिन सम्म तालिममा सहजिकरण गर्ने गाउँपालिका प्रमुख प्रशासकीय अधिकृत अमृत सुबेदीले जानकारी दिनुभयो ।
१३९ घण्टाको तालिममा सहभागी भएपछि सहभागीले टे«किङ गाईडको प्रमाण पत्र प्रदान गरिने सुबेदीले बताउनुभयो । यसले पर्यटन मन्त्रालय र टे«किङ एजेन्सीहरु संग समन्वय गरेर सहभागी भएका युवालाई रोजगारीका लागि पहल गरिने उहाँको भनाई थियो ।
पालिका भित्रका ८ वटा वडाका २५ जना युवाहरुले सहभागी रहेको तालिममा गाउँपालिका अध्यक्ष भारतकुमार पुनले अन्नपूर्ण गाउँपालिका पर्यटनको हिसाबले सम्भावना भएकाले पालिकाका युवालाई तालिम दिएर आन्मनिर्भर बनाउन तालिमको आयोजना गरेको बताउनुभयो ।
उहाँले यस तालिमले यहाँको पर्यटन व्यवसायी र बेरोजगार युवाहरुले रोजगार पाउने विश्वास रहेको बताउदै तालिम लिएर आत्मनिर्भर हुनेमा विश्वास रहेको बताउनुभयो ।
पछिल्लो समय अन्नपूर्ण आधार शिविर जाने पर्यटकको संख्या बढ्दै गएको र त्यस क्षेत्रलाई पर्यटनको गन्तव्यको रुपमा विकास गर्न दक्ष जनशक्तिको आवश्यकता महशुस गरी तालिम संचालन गरेको बताउँदै पालिकामा गाईडको आवश्यक रहेको अध्यक्ष पुनको बताउनुभयो ।
तालिममा पर्यटन सुरक्षा र जोखिम, समूह व्यवस्थापन, प्राकृतिक, ऐतिहासिक सम्पदाको व्याख्या शैली, दिगो पर्यटन व्यवस्थापन, आकस्मिक प्राथमिक उपचार विषयमा माउटेन एकेडेमीका अनुप अधिकारी र निरेन्द्र महर्जनले प्रशिक्षण दिनुहुनेछ । उक्त तालिमको उद्घाटन कार्यक्रम पालिकाका उद्यम विकास शाखाकी बिष्णु गौतमले गर्नुभएको थियो ।