Site icon BeniOnline.com.np जिल्लाका ताजा अनलाइन समाचार

गरिमा बैंकको सर्वोदय माविमा वित्तीय साक्षरता कार्यक्रम

गरिमा विकास बैंक पोखरेबगर शाखाले वित्तीय साक्षरता कार्यक्रम सञ्चालन गरेको छ । अन्नपूर्ण गाउँपालिका-२, भुरुङ तातोपानीमा अवस्थित सर्वोदय माविका विद्यार्थी र शिक्षकमार्फत अभिभावकमा वित्तीय शिक्षा उपलब्ध गराउने उद्देश्यले कार्यक्रम गरिएको छ ।

वित्तिय साक्षरता कार्यक्रममा शाखा प्रबन्धक श्याम थापाले खाता खोल्ने तरिका, बचतका फाइदा, वित्तीय सेवासुविधा, डिजिटल सेवा लगायत विभिन्न विषयमा जानकारी गराउनुभएको थियो । उत्तरी क्षेत्रका विभिन्न बस्तीमा पुगेर सेवा दिइरहेको बैंकले विद्यार्थीलाई बचतको महत्वका बारेमा धेरै जानकारी गराएको प्रबन्धक थापाको भनाई छ ।

कार्यक्रममा कक्षा १० मा अध्ययनरत ३० विद्यार्थीको सहभागिता रहेको थियो । कार्यक्रममा विब्यस अध्यक्ष बुद्धि पु्न, सहायक प्रअ टक बहादुर पुन लगायत शिक्षकहरुको उपस्थिती रहेको थियो । म्याग्दी जिल्लामा बेनीसहित दरबाङ, र बाबियाचौरमा शाखा रहेको बैंकले सामाजिक उत्तरदायित्व बहन गर्न विभिन्न सहयोग तथा वित्तिय साक्षरता कार्यक्रम गर्ने गरेको छ ।

Exit mobile version